Yaponiye sot mehkimisi xitay paraxot bashliqini yene 10 kün tutup turushni qarar qildi

Yaponiye sot mehkimisi sénkako arilidiki yaponiye déngiz tewesige kirip, yaponiye déngiz qoghdighuchiliri teripidin tutqun qilin'ghan xitay paraxot bashliqini yene 10 kün tutup turushni qarar qilghan.
Muxbirimiz ümidwar
2010-09-19
Élxet
Pikir
Share
Print

Shinxu'a agéntliqining xewiride xitay terepning qattiq naraziliqigha qarimay, yaponiyining xitay paraxot bashliqi dawamliq tutup turushni qarar qilghanliqi éytilghan.

B b s agéntliqining yézishiche, 7 - séntebir küni yaponiye charlighuchi paraxoti bilen toqunushup, yaponiye tereptin qolgha élin'ghan xitay béliqchi paraxotining bashliqini 29 - séntebirgiche yene dawamliq tutup turush békitilgen bolup, 18 - séntebir küni xitayning bir qisim sheherliride yaponiyige qarshi naraziliq namayishi ötküzülgen hetta yaponiye konsulxaniliri öz puqralirining xitay teweside éhtiyatchan bolushini agahlandurghan idi.

Emma, yaponiyining xitayning bésimi we naraziliq namayishlirigha qarimay, yaponiye déngiz tewesige kirgen xitay puqrasini qoyuwétish emes, belki uni dawamliq tutup turushni qarar qilishigha nisbeten xitay tashqi ishlar bayanatchisi inkas qayturup, yaponiyining bu herikitini"xataliqning üstige xataliq qoshush" dep eyiblidi hemde hemme aqiwetke yaponiyining mes'ul bolidighanliqini agahlandurdi.
 
Toluq bet