Японийә баш вәзири науто кан 2011‏- йили хитайни зиярәт қилишни ойлашмақта икән

Японийә баш министири науто кан 2011‏- йили хитайни зиярәт қилип, өткән йили 9 ‏- айда сенкако тақим арилиниң әтрапида йүз бәргән хитай белиқчилар кемиси билән японийә чарлаш парахотиниң өз ара соқулуп кетиш сәвәбидин җиддийлишип кәткән японийә -хитай мунасивитини әслигә кәлтүрүшни ойлашмақта икән.
Мухбиримиз әркин
2010-12-31
Елхәт
Пикир
Share
Принт

"Кюдо "ахбарат агентлиқиниң җүмә күни вәқәдин хәвәрдар японийә һөкүмәт әмәлдарлириниң сөзини нәқил кәлтүрүп хәвәр қилишичә, нөвәттә японийә тәрәп науто канниң хитайни зиярәт қилишиға шәрт шараит һазирлаш үчүн түрлүк қаналларни ишқа сақлимақта икән. Хәвәрдә науто канниң сабиқ японийә ташқи ишлар министири сейҗи маһихара хитайға әвәтип, өзиниң зияритини йол ечишни ойлишиватқанлиқи илгири сүрүлди.

"Кюдо" агентлиқиниң хәвиридә илгири сүрүшичә, әгәр һәммә иш тосалғусиз маңса, науто кан хитай дөләт рәиси ху җинтав билән учурушуп, икки дөләтниң өз ара истратегийилик мәнпәәтдарлиқ мунасивитини турғузмақчи икән.

 Өткән йили 9 ‏- айда йүз бәргән хитай - японийә парахот вәқәсидин кейин икки дөләт мунасивити тез чекинип, һәр икки дөләт пуқралирида бир-биригә қарши өчмәнлик кәйпияти күчәйгән иди.

 японийә өзиниң йеқинда елан қилған "мудапиә қолланмиси" да хитайниң һәрбий күчини диққәт билән көзитилидиған нишан, дәп елан қилған. японийиниң хитайни өзиниң мудапиә қолланмисидики тәһдит нишанлириниң бири, дәп елан қилиши бейҗиң һөкүмитиниң наразилиқини қозғиған. Хоңкоң мәтбуатлириниң хәвәр қилишичә, хитай һөкүмити бу мунасивәт билән японийә наразилиқ билдүргән.

Бәзи көзәткүчиләр, японийә- хитай икки дөләт рәһбириниң бир бирини зиярәт қилип өз ара учурушушиға нурғун тосалғуларниң барлиқини илгири сүрмәктә.

Пикирләр (0)
Share
Толуқ бәт