Xitay, béyjingda turushluq yaponiye bash elchisidin kechürüm soridi

Xitay tashqi ishlar ministirliqi bügün béyjingda hujumgha uchrighan yaponiye bash elchisidin epu sorighan.
Muxbirimiz shöhret hoshur
2012-08-27
Élxet
Pikir
Share
Print

Melum bolushiche, yaponiye bash elchisi bügün chüshtin kéyin béyjing waqti sa'et 4 etrapida sirtta ish béjirip, aptomobili bilen elchixanigha qaytip kéliwatqinida, töt kocha doqmushtiki qizil chiraqta toxtighan. Bu chaghda yandiki aptomobildiki bir xitay sekrep chüshüp bash elchining aptomobilining aldidiki yaponiye dölet bayriqini yulup élip méngip ketken.

Yaponiye bash elchisi buni bir hujum qilish weqesi dep eyiblep, xitay terepke qattiq naraziliq bildürgen. Xitay tashqi ishlar ministirliqi bu weqege derhal inkas qayturup yaponiye bash elchisidin epu sorighan. Xitay terep bayanatida, weqedin qattiq epsuslan'ghanliqini bildürüsh bilen birlikte, bu tür weqelerning tekrar yüz bérishining aldini alidighanliqini bildürgen.

Yéqindin buyan xitay bilen yaponiye arisidiki senkaku arili mesilisi jiddiyliship ikki dölet puqralirining keng kölemlik naraziliq heriketliri kélip chiqqan we bu heriketler téxi bésiqmaywatqan idi.

Toluq bet