Aqsudiki oqughuchilarning "patparaqchiliqtin yarilinish weqesi" Uyghur rayonidiki rayonluq rehberlik qatlimini jiddiyleshtürgen

Aqsu shehirining 5 ‏- bashlan'ghuch mektipide patiparaqchiliq sewebidin yarilinish weqesi yüz bérip, 41 neper oqughuchi yarilanfan
Muxbirimiz shöhret hoshur
2010-11-30
Élxet
Pikir
Share
Print

Bir qisim xitay metbu'atliri tünügün, aqsu shehirining 5 ‏- bashlan'ghuch mektipide patiparaqchiliq sewebidin yarilinish weqesi yüz bérip, 41 neper oqughuchining doxturxanigha aprilghanliqi heqqide xewer bergen idi. Xewerde bildürülishiche, teneppus waqtida oqughuchilardin biri pelempeydin chüshüwatqanda, pelempey tutquchi qayrilip ketkenliktin bu yerge yiqilip chüshken؛ buning bilen oqughuchilar arisida patparaqchiliq peyda bolup 41 oqughuchining yarilinish weqesi kélip chiqqan. Xewerde weqening sewebi shundaq addiy körsitilgen bolsimu, néme üchündur da'iriler weqening jeryanining ammigha ashkarilinishini pütün küchi bilen tosmaqta.

Da'iriler yene bir tereptin weqege adettin tashqiri sezgür mu'amile qilip, jiddiy shekilde qutquzush we aldin élish tedbirlirini élip barmaqta. Bügün aptonum rayonluq partikom mexsus mektep bixeterlikini bashqurush heqqide jiddiy yighin échip we mexsus uqturush tarqitip, rayondiki barliq mekteplerni mektep qurulushni tekshürüshke we oqughuchilarning bixeterlikini qoghdash üchün tedbir qollinishqa chaqirghan. Uqturushgha yene, aqsudiki patparaqchiliq we yarilinishtin chongqur sawaq élish kérekliki eskertilgen. Aqsudiki mezkur weqening xitay xewerliridiki tepsilati bilen rehberlik qatlimining jiddiychiliki arisidiki zitliq mezkur weqening sewep - netijiliri heqqide guman peyda qilmaqta. Mezkur mektep, aqsudiki asasliq Uyghur mektepliridin biridur.

Toluq bet