Кишилик һоқуқни көзитиш тәшкилати явропа иттипақидин хитай кишилик һоқуқ мәсилисидә конкрет нәтиҗә қазинишни тәләп қилди

Кишилик һоқуқни көзитиш тәшкилати дүшәнбә күни ахбарат елан қилип, явропа иттипақидин сәйшәнбә күни испанийә пайтәхти мадрид шәһиридә башлинидиған, явропа - хитай кишилик һоқуқ диалогида конкрет нәтиҗигә еришишни тәләп қилди.
Мухбиримиз шоһрәт һошур
2010-06-29
Елхәт
Пикир
Share
Принт

Ахбаратта явропа - хитай кишилик һоқуқ диалогиниң хитайда кишилик һоқуқни қоғдаш ролини ойнишини тәләп қилип, "5‏ - июл вәқәси"дин кейин халиғанчә тутқун қилинған вә из ‏ - дерәксиз йоқап кәткән уйғурларниң из ‏ - дерикини қилишни тәләп қилди.

Ахбаратта йәнә, үрүмчидики вәқәгә четилип сотланған уйғурларниң хәлқара өлчәм вә қанунға уйғун усуллар билән адил сотлинишиға капаләтлик қилишни әскәртип, сиясий мәһбусларни солайдиған "қара түрмә" мәсилисини оттуриға қоюшни тәләп қилди.

Хитай билән явропа иттипақи һәр икки йилда бир қетим кишилик һоқуқ диалоги өткүзүп кәлмәктә иди. Лекин йеқиндин бери кишилик һоқуқ тәшкилатлири хитай - явропа кишилик һоқуқ диалогиниң һечқандақ әмәлий нәтиҗиси болмиғанлиқини тәнқидләп, явропа иттипақини кишилик һоқуқни сода билән бирләштүрүшкә чақирған иди.

Кишилик һоқуқни көзитиш тәшкилати йәнә, явропа иттипақиниң мадридтики йиғинда хитайға бесим ишлитип, б д т ниң "пуқралар һоқуқи вә сиясий һәқләр әһдинамиси"ни иҗра қилишни тәләп қилиш, бу мәсилидә рәсмий вақит җәдвили оттуриға қоюшни тәкитлигән.

Пикирләр (0)
Share
Толуқ бәт