Йәмән президенти йил ахирида тәхттин чүшидиғанлиқини билдүрди

Ройтирс агентлиқиниң хәвәр қилишичә, йәмән президенти алий аблдуллаһ салиһ, өктичи күчләргә өзиниң бу йил ахирида истепа беридиғанлиқини,келәр йили 1-айда болса йәмәндә сайлам өткүзүлидиғанлиқини билдүргән.
Мухбиримиз шөһрәт һошур
2011-03-22
Елхәт
Пикир
Share
Принт

У өзиниң бу арқилиқ һакимийәтни тинч вә тәртиплик бир шәкилдә өткүзүп бериш пилани барлиқини әскәрткән. У нәччә вақтин бери, өзиниң таки келәр қетимлиқ президент сайлимиғичә йәни 2013‏-йилиға қәдәр вәзиписини давамлаштуридиғанлиқини билдүргән иди. Өктичи күчләр президент салиһниң бу тәклипини рәт қилған вә тәхттин дәрһал чүшүшни тәләп қилған.

Хәвәрдә билдүрүлүшичә, президент салиһниң намайишчиларға қарши мәйданидики бу түр юмшаш, йәмән армийисиниң ғоллуқ генераллиридин бири болған муһсин әл әхмәрниң намайишчилар сепигә өтүп кетиши сәвәб болған.

Алдинқи күни президент салиһқа садақәтмән сақчилардин бири намайишчиларға оқ чиқирип 50дин артуқ кишиниң өлүмигә сәвәб болған.

Буниң билән генерал муһсин әл әһмәр өзиниң намайишчиларни қоллайдиғанлиқини ашкара билдүрүп, намайишчиларни қоғдаш үчүн бир қисим әскәр вә офитсерлирини йетәкләп намайишчилар сепигә қетилған. Президент салиһ бүгүнки сөзидә «йәмәнниң һәрбий даирилири арисида бөлүнүш пәйда болса, яки йәмәндә бир һәрбий өзгириш йүз бәрсә, бу йәмәндә ички урушқа сәвәб болиду» дәп агаһландурған.

Өктичи күчләрниң баянатчиси президент салиһниң тәклипини ройтирсқа ашкарилиған чеғида, нөвәттики саәтләрниң йәмән вәзийити үчүн һәл қилғуч саәтләр икәнликини билдүргән.

Толуқ бәт