Aqtu nahiyiside yer asti bayliqlarni qéziwatqan xitayning chong shirketlirining sani 17 ge yetken

Aqtu nahiyisining qézilma bayliqliri arisida 13 xil métal we 16 xil métallo'id madda bar bolup, bu aqtuning özige xas muhim tebi'iy bayliqliri hésablinidu.
Muxbirimiz shöhret hoshur
2010-12-07
Élxet
Pikir
Share
Print

Shinjang xewiri torining bügünki bir xewiridin melum bolushiche, aqtu nahiyisi yéqinqi yillardin béri döletning 257 milyon yüen meblegh ajritishi we özliri 3 milyon 780 ming yüen meblegh toplash arqiliq, nahiyining sirt bilen alaqe liniyisi we taghliq rayonlarning qatnash we uchur alaqe qurulushini tereqqiy qildurghan. Nahiye uningdin kéyin, ürümchi we shi'en yermenkisi qatarliq chong soda sorunlirida aqtuning tebi'iy bayliqlirini qézishqa xéridar chaqirghan. Netijide bu yilning béshigha qeder, shyanggang-jyayüen kanchiliq guruhi, yashin kanchiliqi we güyshin kanchiliq guruhi qatarliq 17 chong xitay kanchiliq shirkiti aqtugha makanlashqan. Buning bilen nahiyining bu yilliq sana'et ishlepchiqirish omumi qimmiti bulturqidin 30% ashqan. Emma, xewerde mana bu qézilma bayliqlardin qolgha kelgen iqtisadiy ünümdin yerlik xelq bolghan Uyghurlarning qanchilik nep alghanliqi we yaki 17 xitay shirkitining nahiyige makanlishishi bilen bilen qanchilik xitay köchminining bu nahiyige yerleshkenliki qatarliq nahiyining siyasiy we iqtisadiy weziyitige alaqidar muhim we sezgür melumatlar héch tilgha élinmighan.

Uyghur közetküchiler rayondiki muqimsizliqning asasliq sewebliridin birini "rayonning tebi'iy bayliqlirining talan-taraj qilinishi we yerlik xelqlerning bu menpe'etlerge yéqinlashturulmasliqi" dep körsitip kelgen idi. "Sherqi türkistan musteqilliq kürishi " ning yéqinqi musapisidiki asasliq weqelerdin biri bolghan barin inqilabimu, nöwette yer asti bayliqliri keng -kölemde échiliwatqan del mushu aqtu nahiyisining barin yézisida yüz bergen idi.

Toluq bet