Qazaqistandiki yer tewresh ghulja qatarliq jaylargha qattiq tesir körsetti

28‏-Yanwar kéche sa'et 10:38 de qazaqistan, qirghizistan we Uyghur éli öz-ara chégrilinidighan taghliq rayonda yüz bergen 6 bal yer tewresh we qalduq yer tewresh ili we aqsuning bir qisim nahiyilirige qattiq tesir körsetken. Lékin qazaqistan terep tewresh derijisini 1.6 Bal bilen 3.6 Bal ariliqida dep élan qilghan.
Muxbirimiz erkin
2013-01-30
Élxet
Pikir
Share
Print

Itay axbarat wasitilirining ashkarilishiche, yuqiriqi ikki wilayetke qarashliq mongghulküre, kelpin, awat, onsu qatarliq 5 nahiye we sheherde 20 ming 400 din artuq adem apetke uchrighan. 3 Ming 200 din artuq qoru, 7 ming 400 éghizdin artuq öy talapetke uchrighan. Da'iriler iqtisadi ziyanning 60 milyondin éship kétidighanliqini élan qildi.

Amérika gé'ologiyilik tekshürüsh ornining bildürüshiche, yer tewresh merkizi qazaqistan, qirghizistan we Uyghur éli chégrasidiki taghliq rayonda bolsimu, biraq qazaqistanning alma'ata shehirige tesir qilghan.

Alma'ata shehiride bir qisim binalarning tesirge uchrighanliqi melum bolsimu, yer tewreshning qirghizistan terepke qandaq tesir qilghanliqi heqqide hazirgha qeder héchqandaq uchur yoq.

Xitay axbarat wasitilirining bu heqtiki xewerliride, Uyghur aptonom rayonluq partkom sékrétari jang chünshyen we aptonom rayonning re'isi nur bekrining yer tewresh yüz bergen rayonlargha téléfon qilip, hal sorighanliqi we ehwal igiligenlikini bildürgen bolsimu, biraq da'irilerning apetke uchrighan 20 mingdin puqragha qandaq yardem qilghanliqi heqqide héchqandaq uchur bérilmigen.

Toluq bet