Uyghur rayonluq hökümet iqtisadiy tedbir belgileshte tunji qétim yerlik xelqni ésige keltürdi

Xitayning Uyghur rayonluq hökümiti yéqinda aliy mektep we téxnikomlarni püttürgenlerni ishqa orunlashturushni tézlitish heqqide yéngi belgilime tüzüp chiqti.
Muxbirimiz shöhret hoshur
2012-08-22
Élxet
Pikir
Share
Print

Belgilimide aliy mektep we téxnikomlarni püttürgenlerni ishqa alghan shirket we karxanilargha baj kechürüm qilish we töwen ösümlük qerz bérip turush qatarliq tüzümler békitilgen. Belgilimide, Uyghur rayonining jenubidiki ikki wilayet we bir oblasttin, bolupmu bu jaydiki az sanliq milletlerdin xizmetchi qobul qilghanlargha, étibarning yenimu ashurup bérilidighanliqi békitilgen.

Bu 5-iyul weqesidin kéyin yeni xitay merkizi hökümiti shinjang xizmiti yighini achqandin kéyin, emeliy iqtisadiy tedbir belgileshte, yerlik xelqni tunji qétim ésige keltürüshidur. Xitayning buningdin burunqi étibar siyasetliride, yerlik xelq perqlendürülmigechke, merkezning étibar siyasetliridin yenila Uyghur rayonidiki xitaylarning paydilinishigha yol échilip kelgen.

Gerche, Uyghur rayonluq hökümetning bu qétimqi yéngi belgilimiside, Uyghur yashlirining ishsizliq mesilisige chare bolalighudek derijide tedbirler bolmisimu, da'irilerning iqtisadi menpe'et mesiliside tunji qétim yerlik xelqlerni ésige keltürüshi rayon weziyitini közitiwatqan Uyghur közetküchiler teripidin, eger emeliyleshken teqdirde ijabiy bir qedem hésablinidu dep qaralmaqta.

Dunya Uyghur qurultiyining bayanatchisi dilshat rishit bügün bu heqte pikir bayan qilip, xitayning hazirgha qeder yalghuz muqimliq heqqide yighin achqandila emes, iqtisadiy menpe'et heqqide muzakire élip bériwatqandimu, yerlik xelqlerni oylishishi kéreklikini we xitayning bu jehette bésishqa tégishlik yene köpligen qedemliri barliqini eskertip ötti.

Toluq bet