Ürümchi sheherlik ottura sot xadimi: "Reshide dawutni 15 yilliq késildi dep anglidim"

Muxbirimiz shöhret hoshur
2020-03-19
Élxet
Pikir
Share
Print
Ataqliq naxshichi reshide dawut.
Ataqliq naxshichi reshide dawut.
Photo: RFA

Bügün muxbirimiz bir mezgil lagérda yatqandin kéyin késiwétilgenliki ashkarilan'ghan Ataqliq naxshichi reshide dawutnIng qanche yil késilgenlikini éniqlash üchün ürümchi sheherlik we Uyghur aptonom rayonluq ayallar birleshmisi, shundaqla ürümchi sheherlik ottura sot mehkimisige téléfon qildi. Ottura sottiki alaqidar bir bölümning xadimi özining reshide dawut heqqidiki sot hökümini téxi körmigenlikini, emma uni 15 yilliq késildi dep anglighanliqini bayan qildi.

Xitay da'iriliri lagérdiki tutqunlarning uchurini eng yüksek dölet mexpiyetliki qatarida izchil halda sir tutup kelmekte. Melum bolushiche, da'iriler tutqunlarning uchurini axbarattinla emes, belki ularning a'ile tawabi'atliridinmu yoshurmaqta. Shunga ataqliq naxshichi reshide dawutning tutulush we késilish sewebi, bolupmu késilgen mudditi heqqide bügün yene bir türküm idare organlarni ziyaret qilduq.

Atalmish ayallar hoquqini qoghdash üchün qurulghanliqi ilgiri sürülüp kéliniwatqan Uyghur aptonom rayonluq ayallar birleshmisining mes'ullirimu reshide dawut heqqide melumat bérelmidi.

Tünügünki éniqlashlirimizda ürümchidiki bir rayonluq sot orgini reshide dawut üstidiki hökümni ürümchi sheherlik ottura sot mehkimisining chiqarghanliqi, shunga jaza mudditinimu shularning éniq bilidighanliqini bayan qilghan idi. Ürümchi sheherlik ottura sottiki bir xadim özining reshide dawutning késilgenlikidin xewiri barliqini tilgha alghan bolsimu, emma hökümni jinayi ishlar bölümining chiqarghanliqini ilgiri sürüp, bu heqtiki éniq jawabni shu bölümdikilerning béreleydighanliqini tilgha aldi.

Ürümchi sheherlik ottura sottiki alaqidar bir bölümning xadimi özining bu bölümge yéngidin kelgenliki, shunga reshide dawut heqqidiki sot hökümining téxi qoligha tegmigenlikini bayan qildi. U peqet xizmetdashliridin "Reshide dawutni 15 yilliq késildi" dep anglighanliqini ashkarilidi.

Reshide dawut heqqide igilen'gen yuqiriqi uchurlar heqqide pikir bayan qilghan amérikadiki doktor qahar barat ependi xitay da'iriliri mexsus organlar arqiliq bu heqte jawab bérish mes'uliyitini ada qilmighanliqi üchün yuqiriqi uchurlarning yüksek qimmetke ige ikenlikini otturigha qoydi. U Uyghur yaki xitay weziyiti heqqide tarqalghan herqandaq bir xewerde kemtüklük yaki bashqa mesile körülse, buninggha jawabkar terepning choqum xitay da'iriliri bolidighanliqini eskertti.

Toluq bet