Абдуқадир җалалидин билән ялқун розиға «сәһнә һазирлап бәргән» корладики мәктәп мудири шәрәп һейт тутқунда

Мухбиримиз шөһрәт һошур
2019-09-24
Елхәт
Пикир
Share
Принт
Абдуқадир җалалидин билән ялқун розиға «сәһнә һазирлап бәргән» лики үчүн тутқун қилинған корладики мәктәп мудири шәрәп һейт (солда).
Абдуқадир җалалидин билән ялқун розиға «сәһнә һазирлап бәргән» лики үчүн тутқун қилинған корладики мәктәп мудири шәрәп һейт (солда).
Photo: RFA

Мухбиримизниң корлаға қарита елип барған телефон зиярәтлири давамида корла шәһәрлик маарип идарисиниң сабиқ муавин башлиқи вә 6‏-оттура мәктәпниң мудири шәрәп һейтниңму тутқунда икәнлики дәлилләнди. Илгири радиомизға инкас йоллиған шәрәп һейтниң чәтәлдики икки оқуғучиси униң бу йилниң бешида корлада ечилған 3 дәриҗилик кадирлар йиғинида көпчиликниң алдида қолиға койза селинип елип кетилгәнлики вә тутулушиға вәзипидики мәзгилидә атақлиқ зиялийлардин абдуқадир җалалидин билән ялқун розини корлада лексийә сөзләшкә дәвәт қилғанлиқиниң сәвәб болғанлиқини илгири сүргән иди.

Һөрмәтлик радио аңлиғучилар, мудир шәрәп һейтниң чәтәлдики оқуғучилиридин бири өткән айда радиомизға учур йоллап, мәзкур устазиниң тутқунда икәнлик хәвирини алғанлиқи вә бу һәқтики тәсиратини баян қилған иди. Корла шәһәрлик 6‏-оттура мәктәпниң нөвәтчи хадимлиридин бири мудир шәрәп һейтни тонумайдиғанлиқини баян қилса, йәнә бири униң нөвәттә иш орнида йоқ икәнликини ашкарилиди. Әмма у шәрәп һейтниң қачандин бери ишқа кәлмигәнлики һәққидики соалимизға җаваб берәлмиди.

Шәрәп һейтниң австралийәдики оқуғучиси рустәм турсун өзи алақә қаналлиридин игилигәнлиригә асасән буниңдин аз дегәндә 6 ай аввал корлада ечилған бир чоң йиғинда шәрәп һейтниң тутуп кетилгәнликини илгири сүргән иди. Корла маарип идарисиниң хадимлириму сабиқ муавин мудир шәрәп һейтни тонумасқа селивалғандин кейин, биз байинғолин областлиқ ахбарат идарисидин мәлумат соридуқ. Бу идарә хадими шәрәп һейтниң тутулуш делоси һәққидә өзиниң мәлумат бериш һоқуқи йоқлуқини тилға алди. Әмма шәрәп һейтниң кимлики вә тутулғанлиқ учурини инкар қилмиди.  
Шәрәп һейтниң японийәдә оқуватқан оқуғучиси әмрулла давут устази шәрәп һейтниң өзидә қалдурған тәсиратлирини баян қилип өтти. Униң дейишичә, шәрәп һейтниң күчлүк миллий ғурури вә дурус әхлақи униң тутулушиға сәвәб болған. Рустәм турсунниң баян қилишичә, шәрәп һейт маарип идарисидә әмәл тутқан мәзгилидә атақлиқ зиялийлардин абдуқадир җалалидин билән ялқун розини корлаға бирқанчә қетим лексийәгә тәклип қилғанлиқи үчүн «миллий бөлгүнчиләргә сәһнә һазирлап бериш» билән әйиблинип, тутқун қилинған. Корладики сақчи хадимлиридин бири шәрәп һейтниң нөвәттә корла ечиветиш районидики йиғивелиш лагерида икәнликини ашкарилиди. Шәрәп һейтниң тутулғанлиқиға бир йил боп қалғанлиқини баян қилған бу хадим униң абдуқадир җалалидин билән ялқун розини корлада лексийәгә тәклип қилғанлиқи үчүн тутулғанлиқ учуриниң тоғрилиқини дәлиллиди.

Толуқ бәт