Yashlar shiwitsiyediki yighinning körgezme zalida sherqiy türkistan mesilisini anglatti

Ixtiyariy muxbirimiz ihsan
2014-04-24
Élxet
Pikir
Share
Print
Shiwitsiye ötküzülgen musulman yashlar yighinigha teklip bilen qatnashqan Uyghurlar
Shiwitsiye ötküzülgen musulman yashlar yighinigha teklip bilen qatnashqan Uyghurlar
RFA/Ihsan


Shiwitsiye ötküzülgen musulman yashlar yighinigha teklip bilen qatnashqan Uyghur ma'arip uyushmisi, yighin körgezme zalida Uyghur yashlirini teshkillep sherqiy türkistan mesilisini yüz turane anglitip yaxshi netije hasil qildi.

Ötken heptide, shiwitsiye islam jem'iyiti, musulman yashlar teshkilati, ibni rush fondi qatarliq orunlarning birliship uyushturushi bilen shiwitsiye paytexti sitokholimning merkizi yighin zalida ötküzülgen yighin'gha shwitsiyede yashawatqan Uyghur yashlirimu qatnashti hemde sherqiy türkistan mesilisini anglatti.

Yighin dawamida orunlashturulghan, shwétsiyediki her qaysi siyasiy partiye, saqchi idarisi, islami ammiwi teshkilatliri, soda - karxanichilar mehsulatlirini élan qilidighan körgezme zalida, Uyghurlarmu ikki üstellik orun élip teshwiqat qildi.

Uyghur yashliri sherqiy türkistanning ay yultuzluq kök bayriqi we izniki, Uyghurlarning chimen doppisi, Uyghurche kitablar, turghun almasning Uyghurlar namliq kitabining türkche neshri, dunya Uyghur qurultiyining re'isi rabiye qadir xanimning "Ejdiha bilen élishqan ayal" namliq shwéd tildiki kitabi, sherqiy türkistanning omumiy ehwali tonushturulghan shwitche we én'glizche resimlik teshwiqat waraqliri, 24 yildin béri xitay türmiside yétiwatqan siyasiy mehbus abdulkérim abduwélining chongaytilghan resimi, Uyghur élipbesi qatarliq buyumlarni görgezme qilish arqiliq sherqiy türkistan we Uyghurlarning tarixini, medeniyitini yighin'gha kelgen méhmanlargha teshwiq qildi.

Yighin axirida ziyaritimizni qobul qilghan Uyghur ma'arip uyushmisining bash katipi abdulla ehed bu xildiki yighinlardin yaxshi hasil qilghanliqini mundaq ipadilidi: "Biz, 2009 - yildin bashlap, abdusalam abdughenige oxshash közge körün'gen ziyaliylarni teklip qilip, shiwitsiye xelqighe sherqiy türkistan mesilisini anglitip kéliwatimiz.

Melumat bérishimizmu yildin - yilgha kéngiyip bardi, biz teklip qilghan méhmanlar aldi bilen shwitsiye parlaméntida guwahliq béretti, andin bu yighinda melumat béretti.

Bu yil allahqa shükri, bizning xizmetlirimizdin xewer tépip turghan türk jem'iyetlirimu abdusalam abdugheni melumat bérishke teklip qildi."

Abdulla ehed "Siler, körgezme jeryanida erebche, én'gilizche tillardiki teshwiqatinglar arqiliq qandaq netijiler ge érishtinglar" dégen so'alimizgha qarita mundaq jawab berdi:

"Biz 5yildin béri izchil halda yighin zalining görgezme bölümidin orun élip, sherqiy türkistan mesilisige a'it teshwiqatlarni tarqitip kelduq, bu qétim bolsa biz shwitsiyede üsüp yétiliwatqan, shwitchisi rawan yashlarni yüz turane teshwiq élip bérishqa teshkilliduq. Yighinda yashlarning roli nahayiti chong boldi, chünki bularning tili rawan, ular teshwiq qilish yollirini bilidu, shu sewebdin teshwiq qilish jehette ghelibe qilduq dep qaraymen."

Yighinda yüz turane teshwiq élip barghan Uyghur yashliridin döletjan ziyaritimizni qobul qilip, öz tesiratini mundaq ipadilidi: "Men teshwiqat wariqini tarqitish jeryanida kishler gépimni qiziqip anglidi. Men aldi bilen teshwiqat waraqchisini bérishtin burun kishilerdin "Siz burun sherqiy türkistan dölitini anglap baqqanmu" dep soridim, bizni bilimen dégüchilerdin "Qaysi tilni bilsiz ?" dep sorap teshwiqat waraqchisini berdim. Bilmeymen dégüchilerge bolsa "Bu dölet xitaylar teripidin bésiwélin'ghan bir dölet ikenlikini, u yerde boluwatqan züzlumlarni qisqa sheklide anglattim, qiziqquchilargha téximu köp mezmunlarni sözlep berdim."

Bizning "Qiziqqanlar sizdin qandaq so'allarni soridi" dégen so'alimizgha qarita döletjan mundaq dédi: "Anglighantim, silerning bu yer aptonom rayon'ghu? siler xitaymu? siler musulmanmu? dégen'ge oxshash her xil emma gheyri so'allarni soridi." u yene mundaq dédi: "Men 2013 - yilida échilghan yighin'gha qatnashqan, u qétimqisida yighin qatnashquchilirigha Uyghurlarning weziyitini keng törde teshwiq qilalmighan iduq. Bu qétim bolsa téximu yaxshi boldi dep qaraymen."

Yoqirida, shwitsiyediki yighin dawamida ötküzülgen körgezmide Uyghurlarning élip barghan pa'aliyetliri heqqidiki melumatimizni anglidinglar. Bu programmini shwitsiyedin ihsan anglatti.

Toluq bet