Teslim bolghan gumandar turghun emetning charwa meydan sékrétarining oghli ikenliki ilgiri sürülmekte

Muxbirimiz shöhret hoshur
2015-12-21
Élxet
Pikir
Share
Print
Bay nahiyisi kömürkan hujumchiliridin teslim bolghan gumandar turghun emet. (news.sina.com.hk Diki munasiwetlik xewerdin élin'ghan.)
Bay nahiyisi kömürkan hujumchiliridin teslim bolghan gumandar turghun emet. (news.sina.com.hk Diki munasiwetlik xewerdin élin'ghan.)
news.sina.com.hk

Xitay yéqinqi xewerliride teslim bolghan kömürkan hujumchiliridin turghun emetning a'ilisi teripidin saqchigha tapshurulghanliqini ashkarilighandin kéyin muxbirimiz gumandar turghun emetning kimliki heqqide éniqlash élip bardi.

Yerlik da'iriler weqe gumandarlirining kimliki heqqide melumat bérishni izchil halda ret qilghan bolsimu, emma ahalilerdin biri turghun emetning kanchi yézisigha qarashliq chokatal charwa meydan partiye yachéyka sékrétarining oghli ikenliki we mezkur sékrétarning weqe yüz bergendin kéyin wezipisidin élip tashlinish bilen birlikte tutqun qilinip tekshürülüwatqanliqini ashkarilidi. Melum bolushiche bu sékrétar, oghlining weqege qatnashqinidin bashqa yene, gumandarlarning hujum teyyarliq pa'aliyetlirige küz yumush bilenmu eyiblenmekte iken.

Xitay axbarati bay kömürkan hujumchiliridin 28 nepirining öltürülgenliki we bir nepirining teslim bolghanliqini ashkarilighandin kéyin, radiyomizgha melum bolmighan qalghan 11 neper gumandarning kimliki heqqide éniqlash élip barduq. Bay nahiyilik j x idarisining mu'awin bashliqi turghun turdi bu heqtiki so'allirimizgha jawab bérishke jür'et qilalmidi.

Özini ashkarilashni xalimighan bir yéza kadiri teslim bolghan gumandar turghun emetning kanchi yéza chokatal charwa meydan sékrétarining oghli ikenlikini, uning oghlining gumandarlar arisida ikenliki aydinglashqandin kéyin, wezipisidin élip tashlan'ghanliqini we tutup turulup tekshürülüwatqanliqini bayan qildi. Bu melumatning toghriliqini biz ilgiri ziyaret qilghan mezkur charwa meydanning mu'awin bashliqi elniyaz turdining sözlirimu delillimekte.

Mezkur sékrétarning ismi bilen gumandarning familisining oxshashliqi ikkisining ata-baliliq uchurining toghriliqini delillimekte. Xitay xewerliride gumandar turghun emetning qéyin'atsi we ayali teripidin saqchilargha tapshurulghanliqi bayan qilin'ghan. Gumandar turghun emetning dadisi teripidin emes, qéynatisi teripidin saqchigha tapshurulghanliqimu, sékrétar emet sidiqning nöwette tutup turuluwatqanliq uchurini delillimekte. Meydan bashliqining yuqiriqi bayanliridin yene, gumandarlarning gholluq yétekchisi musa toxtiniyazning singlisining meydanda ayallar mudirliq wezipisi ötigenliki melum, emma uning nöwettiki ehwali yeni tutulghan yaki tutulmighanliqi melum emes. Özini ashkarilashni xalimighan bayiqi yéza kadirining bildürüshiche, weqede ölgen saqchi bashliqi memet toxtiniyaz, özining milliy kimlikini asasen unutqan, xizmet körsitip mensipini östürüshtin bashqa oy ‏-xiyali bolmighan shexsiyetchi bir shexs bolup, uning ölüm xewiri yerlik ahaliler arisida éghizdin-éghizgha tarqilip yürmekte.

Toluq bet