Shiwétsiyediki Uyghurlar türk bash konsuli bilen körüshti

Ixtiyariy muxbirimiz éhsan
2014-07-23
Élxet
Pikir
Share
Print
Shwétsiyediki Uyghurlar türük bash konsuli bilen körüshti. 2014-Yili iyul, sitokholm.
Shwétsiyediki Uyghurlar türük bash konsuli bilen körüshti. 2014-Yili iyul, sitokholm.
RFA/Ehsan

Shwétsiyediki Uyghur teshkilatliri mezkur dölette turushluq türk konsuli bilen körüshüp, Uyghurlar türk wizisi élishta yoluquwatqan qiyinchiliqlar we nöwettiki Uyghur weziyitini anglatqan.

Shwétsiyede yashawatqan Uyghurlarning bildürüshiche, Uyghur ma'arip uyushmisining tirishchanliqida shwétsiye wetendishi bolmighan Uyghurlarning türkiyege wiza élish ishliri ilgirikidin köp asanlashqan.

Shwétsiyede pa'aliyet qiliwatqan Uyghur ma'arip uyushmisining mu'awin re'isi exmetjan tursun bashchiliqida ikki kishilik hey'et 23-iyul küni chüshtin kéyin shwétsiye paytexti sitokholmda turushluq türkiyening bash konsuli bilen körüshüshte boldi.

Bash konsul taylan tokmak, Uyghur ma'arip uyushmisidiki hey'etlerni nahayiti qizghin kütüwaldi we qizghin söhbette boldi.

Bash konsul 2013-yili awghustta yéngidin bash konsulluqqa teyinlen'gen. Bu qétimliq körüshüsh asasliqi bash konsul bilen tonushush, hemde shiwétsiyede yashawatqan sayahet pasportidiki Uyghurlarning türkiyege wiza élish ishlirigha yéqindin yardemde boluwatqanliqigha rehmet éytish bolup, söhbet jeryanida Uyghur ma'arip uyushmisining mu'awin re'isi exmetjan tursun Uyghur ma'arip uyushmining qurulghandin buyan qilip kéliwatqan xizmetlirini tepsiliy anglatti.

Shwétsiyede yashawatqan Uyghurlar sayahet pasporti bilen türkiyege bérish üchün, türkiye elchixanisidin wiza aldighan bolghachqa wiza élish ishliri bir az murekkep bolup, Uyghurlarning türkiyege tughqan yoqlash we sayahetke bérish ishlirida nurghun qiyinchiliqlargha yoluqqan idi.

Bu qiyinchiliqlarni hel qilish üchün Uyghur ma'arip uyushmisidiki hey'etler köp qétim türkiye konsulxanisidiki munasiwetlik mes'ullar bilen körüshüsh arqiliq bu mesilini peqet Uyghur ma'arip uyushmisining guwahliqida wiza telep qilghan Uyghurlargha türkiye konsulxanisi shert qoymastin wiza béridighan bolghan idi.

Körüshüshte wiza bölüm mes'ulliridin yamghur özdemir we ersan beylarmu bolup, ularmu bundin kéyinki wiza ishlirida Uyghurlargha yéqindin yardemde bolup, barliq imkanliri bilen Uyghurlarning türkiyege bérish ishlirini téximu asanlashturidighanliqigha wede berdi.

Biz bu toghrisida tepsiliy melumat élish üchün Uyghur ma'arip uyushmisining mu'awin re'isi exmetjan tursunni ziyaret qilduq. Exmetjan tursun bügünki körüshüsh meqsitini we körüshte qolgha kelgen netijilerni mundaq bayan qildi.

Türkiyege wiza élish ishlirida qiyinchiliq tartqan bir yash hazirqi wiza élish ishliridiki qulayliqlarni sélishturdi.

Axirda Uyghur ma'arip uyushmisining mu'awin re'isi exmetjan tursun shwétsiyediki Uyghurlar türkiyege wiza élish ishlirida diqqet qilishqa tégishlik ishlar toghrisida toxtaldi.

Exmetjan tursun Uyghur ma'arip uyushmisigha wakaliten bash konsul we wiza bölüm mes'ullirigha Uyghurlarning chimen doppisi, sherqiy türkistanning bayriqi chüshürülgen sharpa we iznak sowgha qildi.

Toluq bet