12 ‏- Dékabir oqughuchilar herikiti heqqide söhbet

2007-12-12
Élxet
Pikir
Share
Print

Bügün yeni 12 ‏- dékabir küni, " 12 - dékabir oqughuchilar milliy herikiti" ning 22 ‏ yilliq xatire küni. 1985 - Yilining bu künide, ürümchidiki aliy mektep oqughuchiliri namayish ötküzüp, Uyghur xelqining xitay asaritige qalghandin buyanqi duch kelgen asasliq mesililirini otturigha qoyghan.

Namayishta otturigha qoyulghan telepler: démokratik saylam élip bérish, Uyghur élige köchmen yötkeshni toxtitish, milliy ma'aripni yükseldürüsh, Uyghurlar arisida pilanliq tughut yürgüzmeslik, lopnur atom sinaq meydanini bikar qilish, Uyghur élining ékologiyilik muhitini qoghdash qatarliqlardin ibaret bolghan.

Bu munasiwet bilen, 12 - dékabir weqesining yétekchiliridin dolqun eysa, memet toxti we nurmemet musabay ependiler bilen söhbet élip barduq.

Dunya Uyghur qurultiyining bash katibi dolqun eysa, 12 - dékabir oqughuchilar herikitining yétekchiliridin biri hem ene eshu heriketke yétekchilik qilghini üchün uniwérsitéttin heydelgen.

Shu namayishning yene bir gholluq yétekchisi, dunya Uyghur qurultiyining mu'awin re'isi hem kanada Uyghur jem'iyitining re'isi mehemmed toxti. U, 12 ‏- dékabir herikitini, "Uyghurlar xitay asaritige qalghandin buyan dawam qilip kéliwatqan Uyghur musteqilliq herikitining yéqinqi zamandiki bir halqisi," deydu.

Bu tarixiy herikette yitekchilik rol oynighanlardin yene biri - hazir amérikida yashawatqan nurmuhemmet musabaydur. Nurmuhemmet musabay, 19 ‏- esirning axiri we 20 ‏- esirning bashlirida, yéngi dewir Uyghur milliy ma'aripigha ul salghan ataqliq milliy karxanichilardin bolghan hüsenbay we bahawudunbay musabaylarning newrisi. U, 12 - dékabir oqughuchilar herikitining xaraktéri heqqide toxtilip, 12 ‏- dékabir oqughuchilar herikitini, eyni zamandiki "Uyghur milliy rohining namayishi we Uyghur milliy iradisining xitapnamisidur," deydu. (Shöhret hoshur)

Pikirler (0)
Share
Toluq bet