Камбоджаниң 20 нәпәр уйғурни хитайға қайтуруп бәргәнликигә мутәхәссисләр қандақ қарайду?

Камбоджа даирилири мәзкур дөләттә панаһланған 22 нәпәр уйғурниң 20 нәпирини хитайға қайтуруп бәргән. Хәвәрләргә қариғанда, бу 20 нәпәр уйғур 12 - айниң 19 - күни кәчтә айропилан билән хитайға қайтурулған. Бу пүтүн дунядики уйғурларни қайғуға чөмдүрди.
Мухбиримиз әркин тарим
2009-12-21
Елхәт
Пикир
Share
Принт
Сүрәт, камбоджа һөкүмити 19 - декабир кәч, паналиқ тиләватқан 20 уйғурни хитайға қайтуруп бәргәнлики үчүн мәмнунлиғини ипадилигән хитай һөкүмити, 21 - декабир күни, камбоджаға "йардәм" йүзисидин камбоджа һөкүмити билән  милйард доллардин артуқ қиммәткә игә 14 келишим имзалиған. Сүрәт, хитай муавин рәиси ши җинпиң билән камбоджа баш министири ху сән биргә.
Сүрәт, камбоджа һөкүмити 19 - декабир кәч, паналиқ тиләватқан 20 уйғурни хитайға қайтуруп бәргәнлики үчүн мәмнунлиғини ипадилигән хитай һөкүмити, 21 - декабир күни, камбоджаға "йардәм" йүзисидин камбоджа һөкүмити билән милйард доллардин артуқ қиммәткә игә 14 келишим имзалиған. Сүрәт, хитай муавин рәиси ши җинпиң билән камбоджа баш министири ху сән биргә.
AFP Photo

Бу хәлқара қанунға вә инсан һәқлири хитабнамисигә уйғунму? бундин кейин бу хил әһвалларниң қайта садир болмаслиқи үчүн уйғур аммиви тәшкилатлири немәтләрни қилиши керәк? дегәнгә охшаш соалларға җаваб тепиш үчүн түрк дуняси инсан һәқлири тәшкилати башлиқи абдуллаһ буксур вә истратегийилик чүшәнчә институти мутәхәссиси др. Әркин әкрәм әпәндиләр билән сөһбәт елип бардуқ.

Абдуллаһ буксур әпәнди буниң бирләшкән дөләтләр тәшкилати қануни билән кишилик һоқуқ хитабнамисигә хилап икәнликини билдүрүп мундақ деди: "бу бирләшкән дөләтләр тәшкилити қануниға хилап бир әһвал. Чүнки бирләшкән дөләтләр тәшкилати қануниниң асасини тәшкил қилған әң муһим амиллардин бири, бирләшкән дөләтләр тәшкилатида 1948 - йили қобул қилинған кишилик һоқуқ хитабнамиси. Бу хитабнамә инсанларға яшаш һоқуқи беришни асас қилиду. Бир сиясий мәқсәт билән паалийәт елип берип, қечип чиққан кишиләрни қайтуруп бәрсә өлтүрүлидиғанлиқини билип туруп хитайға қайтуруп берилиши, бирләшкән дөләтләрниң хәлқаралиқ қануниға хилап."

Түрк дуняси инсан һәқлири тәшкилати башлиқи абдуллаһ буксур әпәнди бу хил әһвалларниң алдини елишта дуня уйғур қурултийиға вәзипә чүшидиғанлиқини ейтип мундақ деди: "бу вәзийәттә дуня уйғур қурултийиға вәзипә чүшиду. Дуня уйғур қурултийи буниң хата икәнликини, бирләшкән дөләтләр тәшкилатиға дуня җамаәтчиликигә яхши аңлитиши керәк. Бу бизгә охшаш инсан һәқлири тәшкилатлириниң вәзиписи. Хитай диктаторлириниң уйғурларни йоқутуш сияситигә пүтүн дуня хәлқи қарши. Бу наразилиқимизни тәшкиллик һалда күнтәртипкә елип кәлсәк, хитайлар бу қирғинчилиқни тохтитишқа мәҗбур болиду. Шуңа бу һәқтә актип паалийәт елип беришимиз керәк."  

Истратегийилик чүшәнчә институти мутәхәссиси др. Әркин әкрәм әпәнди бу 20 уйғурниң ечинишлиқ паҗиәси һәққидә өз қарашлирини оттуриға қойди.

Юқиридики аваз улинишидин, бу һәқтики мәлуматимизниң тәпсилатини аңлайсиләр.
Пикирләр (3)
Share

Исимсиз оқурмән

Ниҗис камбодҗада түрк әлчиханиси йаки консулханиси йоқ

Dec 22, 2009 06:10 PM

Исимсиз оқурмән

Йуқириқи түрк сийасионниң сөзлирини тоғра дейишкә болиду, камбоджа пайтәхти пиномпиндики түрк әлчиханиси
Байанат бәргән болса вә йаки панаһлиқ беридиғанлиқини җакарлиған болса техиму йахши болған болатти, әмма бу уйғурларниң түркийигә йал уруп кәткини әмәс бәлки ,өзидин еливатқан пайдисиниң йүздән бир қисимини тәләп қилғини халас.

Dec 22, 2009 07:49 AM

Исимсиз оқурмән

Йуқириқи түрк сийасионниң сөзлирини тоғра дейишкә болиду, камбоджа пайтәхти пиномпиндики түрк әлчиханиси
Байанат бәргән болса вә йаки панаһлиқ беридиғанлиқини җакарлиған болса техиму йахши болған болатти, әмма бу уйғурларниң түркийигә йал уруп кәткини әмәс бәлки ,өзидин еливатқан пайдисиниң йүздән бир қисимини тәләп қилғини халас.

Dec 22, 2009 07:48 AM

Толуқ бәт