Kambodzhaning 20 neper Uyghurni xitaygha qayturup bergenlikige mutexessisler qandaq qaraydu?

Kambodzha da'iriliri mezkur dölette panahlan'ghan 22 neper Uyghurning 20 nepirini xitaygha qayturup bergen. Xewerlerge qarighanda, bu 20 neper Uyghur 12 - ayning 19 - küni kechte ayropilan bilen xitaygha qayturulghan. Bu pütün dunyadiki Uyghurlarni qayghugha chömdürdi.
Muxbirimiz erkin tarim
2009-12-21
Élxet
Pikir
Share
Print
Süret, kambodzha hökümiti 19 - dékabir kech, panaliq tilewatqan 20 uyghurni xitaygha qayturup bergenliki üchün memnunlighini ipadiligen xitay hökümiti, 21 - dékabir küni, kambodzhagha "yardem" yüzisidin kambodzha hökümiti bilen  milyard dollardin artuq qimmetke ige 14 kélishim imzalighan. Süret, xitay muawin reisi shi jinping bilen kambodzha bash ministiri xu sen birge.
Süret, kambodzha hökümiti 19 - dékabir kech, panaliq tilewatqan 20 uyghurni xitaygha qayturup bergenliki üchün memnunlighini ipadiligen xitay hökümiti, 21 - dékabir küni, kambodzhagha "yardem" yüzisidin kambodzha hökümiti bilen milyard dollardin artuq qimmetke ige 14 kélishim imzalighan. Süret, xitay muawin reisi shi jinping bilen kambodzha bash ministiri xu sen birge.
AFP Photo

Bu xelq'ara qanun'gha we insan heqliri xitabnamisige uyghunmu? bundin kéyin bu xil ehwallarning qayta sadir bolmasliqi üchün Uyghur ammiwi teshkilatliri németlerni qilishi kérek? dégen'ge oxshash so'allargha jawab tépish üchün türk dunyasi insan heqliri teshkilati bashliqi abdullah buksur we istratégiyilik chüshenche instituti mutexessisi dr. Erkin ekrem ependiler bilen söhbet élip barduq.

Abdullah buksur ependi buning birleshken döletler teshkilati qanuni bilen kishilik hoquq xitabnamisige xilap ikenlikini bildürüp mundaq dédi: "bu birleshken döletler teshkiliti qanunigha xilap bir ehwal. Chünki birleshken döletler teshkilati qanunining asasini teshkil qilghan eng muhim amillardin biri, birleshken döletler teshkilatida 1948 - yili qobul qilin'ghan kishilik hoquq xitabnamisi. Bu xitabname insanlargha yashash hoquqi bérishni asas qilidu. Bir siyasiy meqset bilen pa'aliyet élip bérip, qéchip chiqqan kishilerni qayturup berse öltürülidighanliqini bilip turup xitaygha qayturup bérilishi, birleshken döletlerning xelq'araliq qanunigha xilap."

Türk dunyasi insan heqliri teshkilati bashliqi abdullah buksur ependi bu xil ehwallarning aldini élishta dunya Uyghur qurultiyigha wezipe chüshidighanliqini éytip mundaq dédi: "bu weziyette dunya Uyghur qurultiyigha wezipe chüshidu. Dunya Uyghur qurultiyi buning xata ikenlikini, birleshken döletler teshkilatigha dunya jama'etchilikige yaxshi anglitishi kérek. Bu bizge oxshash insan heqliri teshkilatlirining wezipisi. Xitay diktatorlirining Uyghurlarni yoqutush siyasitige pütün dunya xelqi qarshi. Bu naraziliqimizni teshkillik halda küntertipke élip kelsek, xitaylar bu qirghinchiliqni toxtitishqa mejbur bolidu. Shunga bu heqte aktip pa'aliyet élip bérishimiz kérek."  

Istratégiyilik chüshenche instituti mutexessisi dr. Erkin ekrem ependi bu 20 Uyghurning échinishliq paji'esi heqqide öz qarashlirini otturigha qoydi.

Yuqiridiki awaz ulinishidin, bu heqtiki melumatimizning tepsilatini anglaysiler.
Pikirler (3)
Share

Isimsiz oqurmen

Nijis kambodjada türk elchixanisi yaki konsulxanisi yoq

Dec 22, 2009 06:10 PM

Isimsiz oqurmen

Yuqiriqi türk siyasionning sözlirini toghra déyishke bolidu, kambodzha paytexti pinompindiki türk elchixanisi
Bayanat bergen bolsa we yaki panahliq béridighanliqini jakarlighan bolsa téximu yaxshi bolghan bolatti, emma bu uyghurlarning türkiyige yal urup ketkini emes belki ,özidin éliwatqan paydisining yüzden bir qisimini telep qilghini xalas.

Dec 22, 2009 07:49 AM

Isimsiz oqurmen

Yuqiriqi türk siyasionning sözlirini toghra déyishke bolidu, kambodzha paytexti pinompindiki türk elchixanisi
Bayanat bergen bolsa we yaki panahliq béridighanliqini jakarlighan bolsa téximu yaxshi bolghan bolatti, emma bu uyghurlarning türkiyige yal urup ketkini emes belki ,özidin éliwatqan paydisining yüzden bir qisimini telep qilghini xalas.

Dec 22, 2009 07:48 AM

Toluq bet