Norwigiyide 5 - féwral ghulja weqesi munasiwiti bilen namayish ötküzüldi

2008-02-05
Élxet
Pikir
Share
Print

Bügün yeni 2008-yili 5-féwral küni norwigiyining paytexti oslo shehiride yashawatqan Uyghurlar 5 -féwral ghulja weqesi munasiwiti bilen xitay elchixanisining aldida naraziliq namayishi ötküzdi.

1997-Yili 5-féwral küni milliy zulum we xorluq jénigha patqan ghulja yashliri mustehkem bir sep bolup uyushup özlirining insaniy we diniy erkinlikini telep qilip ghulja kochilirida démokratik usul bilen namayish qilghan idi. Emma Uyghurlarning kishilik heq ‏- hoquqlirini izchil depsende qiliwatqan xitay hökümiti qolida naraziliq namayishi üchün teyyarlan'ghan lozunkidin bashqa héch nerse yoq Uyghur yashlirini wehshiylerche basturghan idi.

Mushu weqe yüz bergendin kéyin dunyaning her qaysi jayliridiki Uyghur teshkilatliri 5-féwral ghulja weqesini her yili xatirilesh,bigunah shéhit bolghan qehrimanlarni we türmilerde azap chékiwatqan gunahsiz qérindashlirini türlük shekilde yad étishni mushu kündiki muhim pa'aliyet mezmunlirining biri qilip békitken idi.

Shu tüpeylidin, bügün, 5-féwral küni oslo shehiridiki bir qisim Uyghurlar jem bolup Uyghurche we én'gilizche xet yézilghan lozunkilarni we shéhit qilin'ghanlarning resimi chüshürülgen resim ramkisini kötürüp,Uyghurche, norwégiyiche we xitayche jarangliq shu'arlarni towlap xitay hökümitige bolghan küchlük naraziliqlirini bildürüshti.

Buningdin bashqa yene, norwigiyining bérgin shehiride yashawatqan Uyghurlar rafto kishilik hoquq jem'iyitining yéqindin hemkarlishishi bilen bérgin waqti sa'et 4 din 6-giche 5-féwral ghulja weqesini xatirilesh, shéhitler üchün xatire güli qoyush qatarliq pa'aliyetlerni élip bardi. (Aygul yüsüp)

Pikirler (0)
Share
Toluq bet