Muhemmet aka a'ilisining 5 - féwral ghulja weqesi'idiki paji'esi

2008-01-30
Élxet
Pikir
Share
Print

5 - Féwral ghulja weqesining 11 yilliq xatire küni yétip kélish aldida turmaqta. 1997 - Yili 5 - féwral küni ghuljida Uyghur yashliri milli, diniy zulumgha we irqiy kemsitishke qarshi tinchliq bilen namayish élip barghan bolsimu, xitay hökümiti qolida tighning sunuqi bolmighan Uyghur yashlirini qoral bilen qanliq basturup, ularning ichidiki nechche yüzligen yashlarni rehimsizlerche étip tashlap we nechche on mingni tutup türmilerge tashlap pütkül Uyghur ili xelqini mislisiz paji'ege duchar qilghan idi.

Bu weqe jeryanida xitay hökümiti yalghuz bu qétimqi tinchliq namayishigha qatnashqan yashlarni tutup qamash we ölum jazasi ijra qilishtin bashqa, bu heriket bilen munasiwiti bolmighan yashlarnimu tutti,qamidi, ölum jazalirigha höküm qildi.

Muhemmet aka a'ilisining paji'elik teqdiri ghuljidiki mushu weqe tüpeylidin ziyankeshlikke uchrighan minglighan a'ililerning tipik misali. Muhemmet akining 5 oghul we bir qiz perzenti bar bolup ular hünerwenchilik we tijaret bilen obdan yashap kelgen yüz - abruyluq a'ililerning biri idi, taki 5 - féwral ghulja weqesi yüz bergüche oz tirikchiliki bilen tinch ‏ - aman yashap kelgen idi. Emma 5 - féwral ghulja weqesi yüz bergendin kéyin bu a'ilining béshigha ölum, turme we sersanliq paji'eliri keyni - keynidin kélishke bashlighan.

Biz bugünki xewirimizning 1 - qismida bu a'ilidiki ushbu xiyim - xeterdin aman qélip hazir norwigiyide siyasiy panahliqta yashawatqan telet hajimni ziyaret qilduq. U 5 - féwral weqesini özi anglighanliri asasida bayan qilip ötti.

Gerche muhemmet aka a'ilisi 5 - féwral ghulja weqesige biwaste qatnashmighan bolsimu, bu a'ilidiki chong - kichik hemmeylen xitay hökümiti teripidin her türlük ziyankeshlik we jazalargha uchrighan. (Aygul yüsüp)

Pikirler (0)
Share
Toluq bet