Chet ellerdiki Uyghurlar perzentlirining ana til öginishige ehmiyet bermekte

2007-08-15
Élxet
Pikir
Share
Print

Chet ellerde yashawatqan Uyghurlarning baliliri uzun yillardin buyan, özliri turushluq döletlerning ma'arip sistémisi boyiche terbiyilinip, yaxshi netijilerge ériship, dangliq aliy mekteplerge qobul qilinmaqta. Emma, Uyghur ata ‏- anilar balilirining netijiliridin qana'etlinish bilen cheklinip qalmay, ularning ana til öginishigimu nahayiti ehmiyet bermekte.

Balilarning eng kichiki 3 yashta

Meyli qaysi dölette bolmisun, Uyghurlarning balilargha Uyghur tili ögitish üchün mekteplerni achqanliqini, héch bolmisa balilarni bir arigha jem qilip, öylerde Uyghur tili dersi bériliwatqanliqini anglap turisiz. Amérikining los - anjilis shehiridiki yash ziyaliylar xalisane teshkillinip, Uyghur balilirigha ana til dersi ötüshni özige wezipe qilghan bolup, kishini tesirlendüridighini shuki ana til öginiwatqan balilarning eng kichiki 3 yashta iken.

Amérikining los - anjilis shehiridiki yash Uyghur ziyaliyliri, bu sheherde yashawatqan Uyghur perzentlerning ana til öginish qiyinchiliqini hel qilish üchün, balilarni bir arigha jem qilip, Uyghur tili ögetmekte.

Heptide bir kün balilar üchün

Xizmet we öginish wezipilirining éghirliqi shuningdek waqitning qisliqigha qarimay, balilargha Uyghur tili ögitish üchün teshkillen'gen méhray , zemire, qurbanjan we nurnisalar heptide bir künni ajritip ders ötkendin sirt, ders ötidighan sinip bolmasliqtek qiyinchiliqlarni bolsa, öz öylirini sinip qilip ishlitish arqiliq yenggen.

Bolupmu kishini hayajanlanduridighini shuki, ana til öginiwatqan balilarning eng kichiki 3 yashta bolup, in'gliz tili yesliliridiki Uyghur balilarni nezerde tutqan oqutquchilar kichik yashtiki Uyghur perzentlirigimu, ana tili ögitish kéreklikini tonup yetken.

Oqutquchilar , kichik yashtiki balilargha qiziqarliq oyunlar, tépishmaq hékayiler sözlesh arqiliq ularning til öginishige qolayliq shara'it hazirlighan.

Yash ziyaliy zemire xanim, öz öyini balilargha dersxana qilip hazirlap, balilargha özige layiq qiziqarliq usullar bilen Uyghur tili ögetmekte .

Yene bir oqutquchi méhray xanim bolsa, balilargha ana til ögitishning ehmiyitining zorluqini tekitlidi. (Eqide)

Pikirler (0)
Share
Toluq bet