Muxbirimiz erkin tarim
2009-04-30
Bügün yeni 4 - ayning 30 - küni etigen sa'et 9 etrapida dölet néfit akédimiyisige kirgen qoralliq bir kishi aldigha uchrighanla kishige oq chiqirip oqutquchi - oqughuchilardin bolup neq meydanda 13 kishini öltürgen.
Doxturxanigha barghiche we doxturxanida ölgenlerni qoshqanda hayatidin ayrilghanlarning sani on sekkizge chiqqan. Azerbayjan xewpsizlik xadimliri hujum élip barghan kishi görüge éliwalghan kishilerni qutquzushqa tirishqan bolsimu, qutquzalmay köp sanda kishi ölgen yaki yaridar bolghan. Ölgen 18 kishi qoralliq hujumni élip barghan serda isimliq yashnimu öz ichige alghan.
Azerbayjan ichki ishliri ministiri ramil usulow weqe yüz bergen meydanda tekshürüsh élip barghandin kéyin muxbirlargha bergen melumatigha asaslinip turup bakudin bizge melumat bergen baku dölet uniwérsitéti oqutquchisi prof. Dr. Ramiz asker ependi bu ölgen kishiler arisida néfit mektipining mudir yardemchisi ramiz abdullayéw bilen biri süriye yene biri sudan wetendéshi ikki chet'ellikningmu bar ikenlikini bu mektepte oquwatqan 250 türk oqughuchi bar bolup, ölgen yaki yaridar bolghanlar arisida türklerning yoq ikenlikini éytti. U bizge bergen melumatta bu qoralliq hujumni élip barghan yashning gruziye wetendéshi azeri ikenlikini éytti.
Yuqiridiki awaz ulinishidin, bu heqtiki melumatimizning tepsilatini anglaysiler.
