Чағатай қочар әпәнди вә униң түркистан һәққидики тәтқиқатлири

Бүгүн хәлқарада оттура ася дәп атиливатқан җуғрапийини түркийидики тәтқиқатчиларниң көпи түркистан дәп атайду. Бу тәтқиқатчилардин бири чағатай қочар әпәнди. Униң түркистан тоғрисидики мақалиләр топлими намлиқ китаби 1993 - йилида түркийә мәдәнийәт министирлиқи тәрипидин нәшр қилинған.
Ихтияри мухбиримиз әркин тарим
2012-01-27
Елхәт
Пикир
Share
Принт
Чағатай қочар әпәнди язған китаблар
Чағатай қочар әпәнди язған китаблар
Photo: RFA

Мәзкур китаб 1994 - өзбекистан язғучилар җәмийити тәрипидин хәлқаралиқ мәһмут қәшқири мукапатиға еришкән. Түркийә радио телевизийә идариси униң «түркийә чуқурува түзләңликиниң азадлиқиға төһпә қошқан түркистанлиқлар» мавзулуқ мақалисидин пайдилинип «түркийиниң азадлиқ урушиға қатнашқан түркистанлиқлар» намлиқ һөҗҗәтлик филимни ишлигән.

Чағатай қочар әпәнди 1946 - йили өзбекистанда дүняға кәлгән. 1952 - Йили аилиси билән бирликтә түркийиниң адана шәһиригә келип олтурақлашқан. 1976 - Йилида истанбул үниверситети әдәбият факүлтитини пүттүргәндин кейин германийиниң мүнхин шәһиридики һүрийәт радииосиниң өзбәкчә бөлүмидә 20 йил хизмәт қилған. У бүгүнгичә көп санда илмий муһакимә йиғинлирида түркистан һәққидә доклат бәргән. Йеқинда униң түркийидә «асарәттин әркинликкә - бир түркистанлиқниң әслимилири» намлиқ әсири билән «атаюрттин анаюртқа - түркистанлиқлар» намлиқ китаби нәшрдин чиқти.

Биз униң илмий тәтқиқатлири вә уйғур мәсилиси һәққидики көз қарашлирини елиш үчүн униң билән телефон сөһбити елип бардуқ.

Пикирләр (0)
Share
Толуқ бәт