Шәпәқ фонди җәмийити уйғур районида меһир - муһәббәт йәткүзмәктә

Әнглийидә қурулған давн йәни шәпәқ фонди җәмийити 2007 - йилидин бери уйғур райониниң үрүмчи шәһиридә намрат, йетим - йесир балиларни оқутуш, игә - чақисиз қери- чөриләрниң һалидин хәвәр елиш қатарлиқ хәйр - сахавәт паалийәтлири билән шуғуллинип келиватқан бир фонди җәмийәт.
Мухбиримиз ирадә
2010-12-21
Елхәт
Пикир
Share
Принт
Шәпәқ фонди җәмийити уйғур районида меһир - муһәббәт йәткүзмәктә
Шәпәқ фонди җәмийити уйғур районида меһир - муһәббәт йәткүзмәктә
www.dawn-foundation.co.uk

Бу җәмийәт үрүмчидә икки синип тәсис қилип, оқушсиз қалған балиларни оқутуп, уларниң җәмийәттин өзигә бир кишилик орун тепишиға шараит яритип бәрмәктә. Биз алдинқи қетимлиқ программимизда бу фонди җәмийәт вә униң қурғучиси наим чуман әпәндини силәргә қисқичә тонуштуруп өткән идуқ.

Бизниң шәпәқ фонди җәмийитиниң тор бетидин игилишимизчә, бу фонди җәмийәт 2007 - йилидин башлап үрүмчидә синип тәсис қилған. Синипларда һазир 200 бала оқуйдиған болуп, буларниң 156 нәпири уйғур, 44 нәпири хитай икән. Йеши 6 яштин тартип 16 яшқичә болған бу балиларниң 58 нәпири йетим бала. Бу хәйр ‏- сахавәт оргини тәрипидин ярдәмгә еришиватқан бу 200 нәпәр бала үрүмчидики намрат районлардин көрситип берилгән 400 бала арисидин таллап чиқилған.

Бу фонди җәмийәт әнглийә пуқраси болған наим чухан әпәнди тәрипидин қурулған болуп, у өзи биваситә бу фонди җәмийәтниң ишлирини йүргүзүп кәлмәктә. Игилишимизчә, йеқинда наим чухан әпәнди әнглийидики уйғур ансамбилиниң қурғучиси әзиз әпәнди билән алақилишип, қандақ қилғанда уйғур районидики бу ярдәмгә моһтаҗ кишиләргә техиму көп ярдәм берәләйдиғанлиқи, әнглийидики уйғурлар билән бу мәсилисидә қандақ һәмкарлишалайдиғанлиқи һәққидә пикир алмаштуруш мәқсити билән әзиз әпәнди билән көрүшкән. Биз әзиз әпәнди билән бу учришишниң мәзмуни һәққидә сөһбәт елип бардуқ.

Шәпәқ фонди җәмийитиниң тор бетини Бу йәрдин Көрүң.

Толуқ бәт