Явропа парламентида хитайниң диний әркинлик әһвали һәққидә йиғин өткүзүлди

2006-07-13
Елхәт
Пикир
Share
Принт

12‏-Июл чаршәнбә күни явропа парламентида хитайниң диний әркинлик әһвали һәққидә йиғин өткүзүлгән. Бу йиғин, хитай һөкүмити вәкиллири билән явропа парламентиниң бир қанчә йиллардин буян хитайдики кишилик һоқуқ мәсилиси бойичә елип бериватқан йиғинлириниң давами. Бу йиллиқ йиғин болса, нуқтилиқ һалда хитайниң диний әркинлик әһвалини асас қилған.

Йиғинға көзәткүчи сүпитидә қатнашқан бир қисим кишилик һоқуқ тәшкилатлири хитайдики христианлар, тибәтләр, мусулманлар вә фалунгоңчиларниң учраватқан зиянкәшликлирини оттуриға қойған. Йиғинда уйғурлар мәсилиси бойичә рабийә қадир пәрзәнтлириниң қолға елиниш вәқәсиму көрситилди. Германийидики дуня уйғур қурултийиниң баш катипи долқун әйсаниң билдүрүшичә, явропа парламенти билән хитай һөкүмәт вәкиллириниң кишилик һоқуқ сөһбити, мушу йиғинда оттуриға қоюлған пикирләргә асасән елип берилидикән.

Бу мунасивәт билән мухбиримиз пәридә д у қ баш катипи долқун әйса әпәнди билән мәзкур йиғин һәққидә сөһбәт өткүзди.

Пикирләр (0)
Share
Толуқ бәт