Д у қ яврупа парламенти вә б д т дә мәхсус вәкил турғузди

Д у қ рәһбәрлик оргини тәрипидин б д т ниң җәнвәдики вә явропа парламентиниң брюсселдики мәркәзлиригә вәкилликкә тәйинләнгән икки нәпәр алаһидә хадим арқа - арқидин иш башлиди. Д у қ баш катипи долқун әйсаниң ейтишичә бу д у қ паалийәтлирини йәниму җанландуруш вә шәрқий түркистан мәсилисиниң хәлқаралишиш қәдимини тезлитиштә зор әһмийәткә игә икән.
Мухбиримиз әркин тарим
2010-09-06
Елхәт
Пикир
Share
Принт
Д у қ ниң сабиқ муавин рәиси, сиясий көзәткүчи мәмәт тохти әпәнди.
Д у қ ниң сабиқ муавин рәиси, сиясий көзәткүчи мәмәт тохти әпәнди.
Photo: RFA

Бу мунасивәт билән д у қ рәһбәрлик һәйити музакирә қилип, яврупа парламенти вә б д т гә мәхсус вакаләтчи тәйинләшни қарар қилди.
 
Бу қарар бойичә, 2010 - йили 6 - айда кәсй полиас ханим д у қ ниң б д т да турушлуқ мәхсус вәкилликигә бәлгилинип нюйоркта иш башлиған иди. 2010 - Йили 9 - айдин башлап д у қ, кисй полиас ханимни нюйорктин б д т ниң җәнвәдики мәркизигә йөткәшкә қарар қилди.

Д у қ иккинчи басқучта, яврупа парламентидиму мәхсус вәкил турғузушқа қарар қилди вә д у қ ниң сабиқ муавин рәиси мәмәт тохти әпәндини, 2010 - йили 9 - айниң 1 - күнидин башлап д у қ ниң яврупа парламентида турушлуқ мәхсус вәкилликигә тәйинлиди. Мәмәт тохти әпәндини, 9 - айниң 2 - күни, рабийә ханим вә д у қ ниң вашингтонда турушлуқ рәһбәрлири мәхсус узутуш мурасими билән яврупа парламентиниң мәркизи җайлашқан белгийиниң брюссел шәһиригә узутуп қойди.

Мәмәт тохти әпәндини 9 - айниң 3 - күни брюссел айродромида белгийә уйғур җәмийитиниң рәһбәрлири қизғин күтүвалди. Мәмәт тохти әпәнди яврупа парламентида рәсмий хизмәт башлаштин бурун зияритимизни қобул қилип хизмәт пиланлири һәққидә мәлумат бәрди. Шундақла д у қ рәһбәрлириму бу һәқтики көз қарашлирини баян қилип өтти.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

 
Пикирләр (0)
Share
Толуқ бәт