D u q yawrupa parlaménti we b d t de mexsus wekil turghuzdi

D u q rehberlik orgini teripidin b d t ning jenwediki we yawropa parlaméntining bryusséldiki merkezlirige wekillikke teyinlen'gen ikki neper alahide xadim arqa - arqidin ish bashlidi. D u q bash katipi dolqun eysaning éytishiche bu d u q pa'aliyetlirini yenimu janlandurush we sherqiy türkistan mesilisining xelq'aralishish qedimini tézlitishte zor ehmiyetke ige iken.
Muxbirimiz erkin tarim
2010-09-06
Élxet
Pikir
Share
Print
D u q ning sabiq mu'awin re'isi, siyasiy közetküchi memet toxti ependi.
D u q ning sabiq mu'awin re'isi, siyasiy közetküchi memet toxti ependi.
Photo: RFA

Bu munasiwet bilen d u q rehberlik hey'iti muzakire qilip, yawrupa parlaménti we b d t ge mexsus wakaletchi teyinleshni qarar qildi.
 
Bu qarar boyiche, 2010 - yili 6 - ayda kesy poli'as xanim d u q ning b d t da turushluq mexsus wekillikige belgilinip nyuyorkta ish bashlighan idi. 2010 - Yili 9 - aydin bashlap d u q, kisy poli'as xanimni nyuyorktin b d t ning jenwediki merkizige yötkeshke qarar qildi.

D u q ikkinchi basquchta, yawrupa parlaméntidimu mexsus wekil turghuzushqa qarar qildi we d u q ning sabiq mu'awin re'isi memet toxti ependini, 2010 - yili 9 - ayning 1 - künidin bashlap d u q ning yawrupa parlaméntida turushluq mexsus wekillikige teyinlidi. Memet toxti ependini, 9 - ayning 2 - küni, rabiye xanim we d u q ning washin'gtonda turushluq rehberliri mexsus uzutush murasimi bilen yawrupa parlaméntining merkizi jaylashqan bélgiyining bryussél shehirige uzutup qoydi.

Memet toxti ependini 9 - ayning 3 - küni bryussél ayrodromida bélgiye Uyghur jem'iyitining rehberliri qizghin kütüwaldi. Memet toxti ependi yawrupa parlaméntida resmiy xizmet bashlashtin burun ziyaritimizni qobul qilip xizmet pilanliri heqqide melumat berdi. Shundaqla d u q rehberlirimu bu heqtiki köz qarashlirini bayan qilip ötti.

Yuqiridiki awaz ulinishidin, bu heqtiki melumatimizning tepsilatini anglaysiler.

 
Toluq bet