Almutada körneklik alim we jem'iyet erbabi enwer hajiyéf xatirilendi

11-Dékabir küni almuta shehiri abdulla rozibaqiyéf namidiki 153-gimnaziyide körneklik alim, ma'aripchi we xelq janköyeri enwer hajiyéfning xatirisige béghishlan'ghan "meyremge teshna teqdir" namliq kitabning tonushturush murasimi bolup ötti.
Ixtiyariy muxbirimiz oyghan
2010-12-15
Élxet
Pikir
Share
Print
Enwer hajiyéf sha'ir dolqun yasin bilen bille
Enwer hajiyéf sha'ir dolqun yasin bilen bille
RFA/Oyghan

"Mir" neshriyatida yoruqqa chiqqan mezkur kitabta enwer hajiyéfning ana til, milliy ma'arip we milliy mewjutluq mesililirige béghishlan'ghan maqaliliri, shundaqla merhum toghriliq uning kesipdashlirining, dost-buraderlirining xatiriliri orun alghan.

Yighinda sözge chiqqan merhumning uruq-tughqanliri, Uyghur we qazaq ziyaliyliri enwer hajiyéfning qazaqistan ilim-penige, milliy ma'aripqa qoshqan töhpisini alahide tekitlidi, shundaqla uning insaniy peziletlirini eske aldi. Yighinda shundaqla Uyghur tiyatiri naxshichiliri we gimnaziye oqughuchiliri teripidin teyyarlan'ghan konsért programmisi körsitildi, enwer hajiyéfqa béghishlan'ghan shé'irlar oquldi.

Radi'omiz ziyaritini qobul qilghan tilshunas alim, filologiye penlirining namzati arziyéf ruslan ependi enwer hajiyéfning ilmiy we ijtima'iy pa'aliyetliri heqqide öz eslimilirini bayan qildi.

Toluq bet