Istanbulda " 5 ‏- féwral ghulja weqesini" xatirlesh yighini ötküzüldi

2008-02-04
Élxet
Pikir
Share
Print

2008 ‏- Yili 2 ‏- ayning 3 ‏- küni türkiyide pa'aliyet élip bériwatqan sherqiy türkistan ma'arip we hemkarliq jem'iyiti 1997 ‏- yili 5 ‏- féwral küni yüz bergen ghulja weqesining 11 yilliqini xatirilesh yighini uyushturdi.

Yighin sherqiy türkistan ma'arip we hemkarliq jem'iyitining merkizide ötküzülgen bolup 100 din artuq kishi qatnashti. Yighin'gha jem'iyetning bash katipi doktur alimjan riyasetchilik qildi. Yighinda jem'iyetning mes'ulliridin hidayetulla oghuzxan, ablikimxan mexsum, bash katip doktur alimjan, qatarliq shexsler nöwet bilen " 5 ‏- féwral ghulja weqesi" heqqide söz qildi. Doktur alimjan " 5 ‏- féwral ghulja weqesi" ning tarixtin biri Uyghur xelqining xitay hakimiyitige qarshi élip bérilghan qarshiliq körsitish herikitining terkibi qisimi dep baha berdi.

Kéyin sherqiy türkistan ma'arip we hemkarliq jem'iyitining mu'awin re'isi hidayetulla oghuzxan söz qilip, " 5 ‏- féwral ghulja weqesi" ning xitay quralliq saqchi we eskerliri teripidin wehshiyane türde qilin'ghan Uyghur yashlirini chin qelbidin esleydighanliqini bildürdi.

Uyghur yashliridin exmetjan " 5 ‏- féwral ghulja weqesi" diki qehrimanlargha atap yézilghan shé'irni ünlük halda déklamatsiye qildi, axirida " 5 ‏- féwral ghulja weqesi" de shahid qilin'ghan we türmide yétiwatqan Uyghur yashlirigha du'a qilindi. (Arslan)

Pikirler (0)
Share
Toluq bet