«Готия лоңқиси» дуня яш - өсмүрләр путбол мусабиқисидә уйғур өсмүрлири 8 күчлүк команда қатаридин орун алди

Шиветсийиниң йөтеборий шәһиридә өткүзүлгән «готия лоңқиси» намидики дуня яш өсмүрләр путбол мусабиқисигә қатнашқан уйғур өсмүрлири өз яш қурамлиқлири буйичә тәшкилләнгән путбол командилири ичидә 8күчлүк комданда қатариға кирип, уйғур елиға қайтти.
Ихтияри мухбиримиз ялқун
2012-07-27
Елхәт
Пикир
Share
Принт
Сүрәт, шветсийидики уйғур путбол командиси мусабиқида.
Сүрәт, шветсийидики уйғур путбол командиси мусабиқида.
http://fcuyghurstan.com Дин елинди.


«Готия лоңқиси» намидики дуня яш - өсмүрләр путбул мусабиқисигә, - 11яштин - 18 яшқичә болған арилиқтики яш - өсмүрләрни асас қилип 8 түр буйичә қиз, оғул командилири буйичә 16 данә «чимпийонлуқ лоңқиси» тәсис қилған болуп, һәр бир түрдики командилар өз түридики башқа командилар билән мусабиқигә чүшиду. «Үмид» намидики уйғур өсмүлири путбол командиси 12 яшлиқлар түридики мусабиқигә қатнашқан болуп, бу түрдики командилар 34 кичик гуруппа қилип тәшкилләнгән болуп, һәрбир группиға 4 тин команда бөлүнгән. Уйғур өсмүрлири командиси - 9 гуруппиға айрилған. Уйғур өсмүрләр командиси кичик гуруппида икки шиветсийиниң, бир германийиниң командисини юқири нәтиҗә билән утуп, 9 нумур билән кичик гуруппида биринчи болған иди. Кийинки мусабиқиләр а мусабиқә гурупписи вә б мусабиқә гурупписиға айрилған. Уйғур өсмүләр командиси а мусабиқә гурупписигә бөлүнгән.Бу мусабиқиләр давамида уйғур өсмүрләр командиси 1 гә қарши 10 нәтиҗә билән шиветсийә командисини йеңип 16 күчлүк команда қатариға, 2 гә қарши 3 нәтиҗә билән гритсийә командисини йеңип 8 күчлүк команда қатариға киргән иди. Әмма 4күчлүк командиға кириш мусабиқисидә спрус командисиға 3 кә қарши 2 нәтиҗә билән уттуруп қойди.

«Үмид» командиси намидики йеза башланғуч мәктәп оқуғучилиридин тәшкилләнгән уйғур өсмүләр командисиниң «готия лоңқиси» намидики дуня яш - өсмүрләр путбол мусабиқисигә қатнишиши тунҗи қетим болсиму, әмма 6 мәйдан мусабиқидә 23 топ киргүзүп хәлқара мусабиқиләрдики тунҗи қәдимини яхши башлиған.

«Готия лоңқиси» намидики дуня яш өсмүрләр путбол мусабиқиси - 1975йили тунҗи қетим өткүзүлгән болуп, шундин бери һәр йили өткүзүлүп кәлмәктә. - 2004Йили 30 йиллиқ мурасимини өткүзгән.Һазир готия намидики бу мусабиқә дунядики әң чоң яш - өсмүрләр путбол мусабиқиси болуп қалди«готия лоңқиси» путбол мусабиқисигә қатнашқучилар алдинала тизимлитиш принсипиға асасән өз командилирини тизимлатса болиду, командиларниң район, дөләт, милләт, сан чәклимиси болмайду. Халиған дөләттин халиған командилар тизимлатса болиду. Бундин бурун хитай дөлити 12 қетим команда әвәткән болсиму, әмма нәтиҗиси көринәрлик болмиған. Бу қетимқиси әң яхши нәтиҗә дәп қаралмақта.

Келәр йиллиқ мусабиқә - 2013йили - 7айниң - 14күнидин - 20 күнигчә өткүзүлмәкчи. Биз бу қетим мусабиқигә қатнашқан яш - өсмүрлиримизгә техиму зор утуқ тиләш билән биргә, келәр йиллиқ мусабиқигә йәнә келип қатнишишини үмид қилимиз.

Пикирләр (0)
Share
Толуқ бәт