Hayatingiz öz tepekkuringizning mehsuli

Alimlardin biri "Herkim öz teqdirining ustazi"dégen témida shé'ir yazghan iken. Elwette bu sözningmu asasi bolushi mumkin.
Ixtiyari muxbirimiz ömerjan
2012-04-05
Élxet
Pikir
Share
Print

Islam mutepekkuri ellame muhemmed ghazali"Hayatingizni yéngilang" namliq esiride mundaq dep yazghan:

- Insanning bext - sa'aditi yaki bextsizliki, xatirjemliki yaki bi'aramliqi uning özidin kélidu. Her qandaq bir ishning we u ishni qilghuchining qimmiti uning zéhnide mewjut bolghan we héssiyatini meshghul qilghan oy - pikirler bilen zich baghlinishliqtur. Shunga dé'il karnék mundaq dégen iken:"Tepekkurimiz bizning ishlirimizni belgileydu. Hayatimiz tepekkurimizning mehsulidur. Undaqta, mesile toghra tepekkurni tallash mesiliside bolmaqta. Eger insan her ishta toghra tepekkur qilidighan bolsa, uning barliq ishliri netijilik bolidu. Bizni güzel hés - tuyghular we illiq oy - pikirler oriwalghanda, biz özimizni bextlik hés qilimiz. Nawada bizni köngülsizlikler oriwalsa, özimizni bextsiz hés qilimiz. Özimizning késel bolup qalghanliqini guman qilip könglimizni bi'aram qilsaq köp hallarda rastinla késel bolup qalimiz."

Meniwi küchni héchkim inkar qilalmaydu


Ellame muhemmed ghazali yene mundaq dep yazghan:

- Shexsler we kolliktip üchün meniwiyetning zor tesirini héchkim inkar qilalmaydu. Küchini eqidisidin we meniwiyitin alidighan eskerlerning ghalibiyiti küchini maddi eslihelerdinla alidighan eskerlerningkidin perqliq bolidu. Chünki, eqide we exlaqning küchi maddiy küchlerni yéngip chüshidu. Shunga pütün samawi dinlarning ortaq chaqiriqi exlaqni islah qilish bolghan we exlaqni her nersidin ewzel körgen. Insan nepsiyiti barche dinlarning eng köngül bölidighan mawzusi bolghan. Chünki, güzel exlaq her qandaq millet we her qandaq medeniyetning ronaq tépishi üchün asasliq rol oynaydu.

Insan özini özgertmigiche uning ehwali özgermeydu


Ellame muhemmed ghazali yene mundaq dep yazghan:

- Qur'an kerimde "Insan özini özgertmigiche allah ularning ehwalini özgertmeydu" dégen ayet bar. Chünki, her qandaq özgirish awwal insanning ichki dunyasidin bashlinidu. Ichki dunyasida, xususen exlaqida özgirish hasil qilalmighan ademning sirtqi tirishchanliqi netijisiz qalidu. Shunga hemmidin awwal ishni ichki dunyani islah qilish we uni awat qilishtin bashlash kérek.

Toluq bet