Моңғулийидики хәлқара илмий муһакимә йиғинида уйғур тарихи мәсилилиригә орун берилди

«Түрк мәдәнийитиниң тәрәққият басқучлири: башланғуч мәзгили вә йезиқлар мәзгили» мавзулуқ хәлқаралиқ илмий муһакимә йиғини 8-айниң 15-күни моңғулийиниң пайтәхти уланбаторда рәсмий башланди.
Ихтиярий мухбиримиз әркин тарим
2011-08-15
Елхәт
Пикир
Share
Принт
Моңғулийә мәдәнийәт министири отгонбаяр сөз қилди. 2011-Йили 15-авғуст.
Моңғулийә мәдәнийәт министири отгонбаяр сөз қилди. 2011-Йили 15-авғуст.
RFA/Erkin Tarim

Уланбатордики чиңгизхан меһманханисида башланған йиғинниң ечилиш мурасимиға, түркийә тил тәтқиқат идариси башлиқи проф. Др. Шүкрү халуқ ақалин, түрк мәдәнийити тәтқиқат институти башлиқи проф. Др. Дурсун йилдирим, моңғулийә дөләт университети мудири проф. Др. Томур очир санҗбәгз вә түркийиниң уланбатордики әлчиси асим арар әпәнди вә бир қисим моңғул рәһбәрлири қатнишип сөз қилди.

Ечилиш мурасимида йәнә түркийә баш министири рәҗәп таййип әрдоған вә муавин баш министир бүләнт аринчниң йиғинға әвәткән тәбрик телеграммилири оқуп өтүлди.

Моңғулийидики илмий муһакимә йиғининиң ечилиш мурасими. 2011-Йили 15-авғуст.
Моңғулийидики илмий муһакимә йиғининиң ечилиш мурасими. 2011-Йили 15-авғуст. RFA/Erkin Tarim

Бу илмий муһакимә йиғиниға америка, германийә, чех җумһурийити, финландийә, испанийә, русийә, японийә, түркийә, оттура асия түркий җумһурийәтлири, хитай, корийә вә моңғулийә қатарлиқ 16 дөләттин 70 түрколог һәм тарихчи қатнашти. Мутәхәссисләр 12 гуруппа бойичә икки күн түрк мәдәнийитиниң тарихий басқучлири һәққидә тәйярлиған илмий мақалилирини оқуп өтидикән. Бу илмий муһакимә йиғининиң иккинчи күни мәхсус уйғур қалғанлиқи вә қочу идиқут дөлити тарихи мәсилилири муһакимә қилинидикән.

Мәхсус уйғурлар һәққидики илмий мақалиләр оқуп өтилидиған иккинчи күнидики йиғинда моңғулийилик алимлардин проф. Др. Очир аюдаин әпәнди «уйғур дәвригә даир бир қорған», др. Өлзибаяр содномйн «уйғур дәвригә аит бир мазар» мавзулиридики мақалиләрни, уйғурлардин түркийә һаҗи тәппә университетиниң оқутқучиси др. Әркин әкрәм «уйғур рәиси бозуқ һәққидә» дегән темида, мәркизий милләтләр университети оқутқучиси др. Әркин ариз әпәнди «һазирқи заман уйғур тилидики көктүркчә аталғулар» темисида илмий доклат беридикән.

Булардин башқа көп санда тонулған мутәхәссисләр бу йиғинда идиқут уйғур дөлити дәври һәққидә елип барған илмий тәтқиқатлирини оттуриға қойидикән.
Бу йиғинға уйғурлардин др. Әркин ариз вә әркин әкрәмдин башқа японийидә докторлуқ унвани үчүн оқуватқан уйғур зиялийлиридин миркамил һәйдәрму қатнашмақта.

Мәзкур хәлқара илмий муһакимә йиғинини түркийә ататүрк мәдәнийәт тил вә тарих алий идариси билән моңғулийә миллий университети ортақлишип уюштурған болуп, мутәхәссисләр йиғин җәрянида көктүрк вә уйғур дөлити мәзгилигә аит тарихий әсари-әтиқиләрниму екскурсийә қилидикән. Биз бу йиғин һәққидә техиму тәпсилий мәлумат елиш үчүн йиғинға қатнишиватқан тарихчи, др. Әркин әкрәм әпәнди билән телефон зиярити елип бардуқ.

Толуқ бәт