Mongghuliyidiki xelq'ara ilmiy muhakime yighinida Uyghur tarixi mesililirige orun bérildi

"Türk medeniyitining tereqqiyat basquchliri: bashlan'ghuch mezgili we yéziqlar mezgili" mawzuluq xelq'araliq ilmiy muhakime yighini 8-ayning 15-küni mongghuliyining paytexti ulanbatorda resmiy bashlandi.
Ixtiyariy muxbirimiz erkin tarim
2011-08-15
Élxet
Pikir
Share
Print
Mongghuliye medeniyet ministiri otgonbayar söz qildi. 2011-Yili 15-awghust.
Mongghuliye medeniyet ministiri otgonbayar söz qildi. 2011-Yili 15-awghust.
RFA/Erkin Tarim

Ulanbatordiki chinggizxan méhmanxanisida bashlan'ghan yighinning échilish murasimigha, türkiye til tetqiqat idarisi bashliqi prof. Dr. Shükrü xaluq aqalin, türk medeniyiti tetqiqat instituti bashliqi prof. Dr. Dursun yildirim, mongghuliye dölet uniwérsitéti mudiri prof. Dr. Tomur ochir sanjbegz we türkiyining ulanbatordiki elchisi asim arar ependi we bir qisim mongghul rehberliri qatniship söz qildi.

Échilish murasimida yene türkiye bash ministiri rejep tayyip erdoghan we mu'awin bash ministir bülent arinchning yighin'gha ewetken tebrik télégrammiliri oqup ötüldi.

Mongghuliyidiki ilmiy muhakime yighinining échilish murasimi. 2011-Yili 15-awghust.
Mongghuliyidiki ilmiy muhakime yighinining échilish murasimi. 2011-Yili 15-awghust. RFA/Erkin Tarim

Bu ilmiy muhakime yighinigha amérika, gérmaniye, chéx jumhuriyiti, finlandiye, ispaniye, rusiye, yaponiye, türkiye, ottura asiya türkiy jumhuriyetliri, xitay, koriye we mongghuliye qatarliq 16 dölettin 70 türkolog hem tarixchi qatnashti. Mutexessisler 12 guruppa boyiche ikki kün türk medeniyitining tarixiy basquchliri heqqide teyyarlighan ilmiy maqalilirini oqup ötidiken. Bu ilmiy muhakime yighinining ikkinchi küni mexsus Uyghur qalghanliqi we qochu idiqut döliti tarixi mesililiri muhakime qilinidiken.

Mexsus Uyghurlar heqqidiki ilmiy maqaliler oqup ötilidighan ikkinchi künidiki yighinda mongghuliyilik alimlardin prof. Dr. Ochir ayuda'in ependi "Uyghur dewrige da'ir bir qorghan", dr. Ölzibayar sodnomyn "Uyghur dewrige a'it bir mazar" mawzuliridiki maqalilerni, Uyghurlardin türkiye haji teppe uniwérsitétining oqutquchisi dr. Erkin ekrem "Uyghur re'isi bozuq heqqide" dégen témida, merkiziy milletler uniwérsitéti oqutquchisi dr. Erkin ariz ependi "Hazirqi zaman Uyghur tilidiki köktürkche atalghular" témisida ilmiy doklat béridiken.

Bulardin bashqa köp sanda tonulghan mutexessisler bu yighinda idiqut Uyghur döliti dewri heqqide élip barghan ilmiy tetqiqatlirini otturigha qoyidiken.
Bu yighin'gha Uyghurlardin dr. Erkin ariz we erkin ekremdin bashqa yaponiyide doktorluq unwani üchün oquwatqan Uyghur ziyaliyliridin mirkamil heydermu qatnashmaqta.

Mezkur xelq'ara ilmiy muhakime yighinini türkiye atatürk medeniyet til we tarix aliy idarisi bilen mongghuliye milliy uniwérsitéti ortaqliship uyushturghan bolup, mutexessisler yighin jeryanida köktürk we Uyghur döliti mezgilige a'it tarixiy esari-etiqilernimu ékskursiye qilidiken. Biz bu yighin heqqide téximu tepsiliy melumat élish üchün yighin'gha qatnishiwatqan tarixchi, dr. Erkin ekrem ependi bilen téléfon ziyariti élip barduq.

Toluq bet