Уйғур оқуғучиларниң кәсп вә мәктәп таллашта көп тәрәплимә чәклимигә учриши һәққидә қарашлар

2007-06-13
Елхәт
Пикир
Share
Принт

Бу йиллиқ алий мәктәпләргә таллаш имтиһани ахирлашқандин кейин, оқуғучилар һәмдә уларниң ата- анилири йәнә мәктәп һәмдә кәсп таллаштәк иккилинидиған қаймуқушлуқ бир мәзгилни баштин кәчүриду . Гәрчә уйғур вә башқа аз санлиқ милләт оқуғучилири хитай оқуғучилар билән бирла вақитта охшаш тәләп бойичә имтиһан бәрсиму, әмма уйғур оқуғучилар имтиһан нәтиҗә чәклимисидин башқа йәнә мәктәп һәмдә кәсп таллаш йоллиридиму тосалғу , шуниңдәк түрлүк чәклимиләргә учрап кәлмәктә.

Оқуғучилар мәктәпләрни таллашни ахирлаштурди

Бу йиллиқ алий мәктәпләргә қобул қилиш мәмликәтлик бир туташ имтиһани хитайда 7 - июн вә 8 -июн икки күн давамлашти . 10 - Июндин башлап 12 - июнғичә болса оқуғучилар өз арзулири бойичә кәсп һәмдә мәктәпләрни таллашни ахирлаштурди. Әмдиликтә улар имтиһан нәтиҗисини тәқәззалиқ билән күтмәктә.

25 - Июн күни мәмликәт бойичә алий мәктәпләргә қобул қилиш имтиһан чеки һәмдә имтиһан нәтиҗилири бирақла елан қилинмақчи. Хитай, җүмлидин уйғур елидики адәттики алий мәктәпләр 6 - июлдин башлап рәсми оқуғучи қобул қилишқа башлайду.

Кәсип һәмдә мәктәп таллаштин ибарәт бу өткәл йәнә бир муһим синақ

Арзу толдуруш йәни кәсип һәмдә мәктәп таллаштин ибарәт бу өткәл , алий мәктәпкә имтиһан бәргән оқуғучилар үчүн йәнә бир муһим синақ һәмдә риқабәт мәйдани һесаблиниду.

Арзу толдуруш җәдвилини толдуруш алдида һәр қандақ бир алий мәктәпкә имтиһан бәргүчи оқуғучи иккиләнмәй қалмайду , чүнки улар өзиниң имтиһан нәтиҗисини тәхмин қилиш асасида қияс қилған нәтиҗиси даириси ичидә мәктәп һәмдә яқтурған кәсиплирини таллайду. Бирақ уйғур оқуғучилар бу җәрянда техиму җиқ иккилиниш вә тосалғуға дуч келиду .

Буниң сәвәблири һәққидә канадада турушлуқ руқийә ханим билән америкидики тарих пәнлири доктори қаһар барат қатарлиқ уйғур зиялийлири өз қарашлирини оттуриға қойди. (Гүлчеһрә)

Пикирләр (0)
Share
Толуқ бәт