Jakson brawning oghligha yazghan nesihiti

Jakson brawn amérikiliq adettiki puqra bolup, oghli adem uniwérstétqa qobul qilin'ghinida, uni aliy mektepke uzitish munasiwiti bilen uninggha hayatliq tejribilirini yézip sowgha qilghan we yazghanliri 1560nesihet bolup chong kitab idi. Jakson brawn mezkur esirini"Hayatliq körsetmiliri"dep atighan we shu eser bilen amérika boyiche tonulghan.
Ixtiyari muxbirimiz ömerjan
2012-10-05
Élxet
Pikir
Share
Print


Kéyinche uning mezkur esiri amérikidila emes, belki dunyada eng köp sétilghan eserlerdin bolup qalghan. Uning esiri 28 tilgha terjime qilinip bésilghan we amérikining eng rawaj tapqan kitaplar tizimlikige kirgüzülgen.

Jakson brawn ijadiyet üstide

Jakson brawnning nesihetliri

Töwende jakson brawnning oghligha yézip qaldurghan bu qimmetlik esiridin bir qanchisini teqdim qilimiz:

1.Allahqa tewekkul qilghin, emma ishikingni mehkem yapqin.
2.Hayat hemrahing bolghuchini yaxshi tallap qarar qilghin. Chünki bu qarar insanning bextlik yaki bextsiz bolishida %90 rol oynaydu.
3.Düshmenliringni tuyuqsiz yaxshiliqlarni qilish bilen dostlargha aylandurghin.
4.Banikining élanlirigha aldinip qalmighin, yeni bankigha qerzdar bolup qélishtin saqlan'ghin.
5.Shuja'etlik bolghin, gerche shundaq bolmisangni özüngni shuja'etlik qilip körsetkin. Chünki kishiler buni ayriyalmaydu.
6.Anglighanliki xewerge ishenme, pulungning hemmisni xejlime, éhtiyajdin artuq uxlima.
7.Yaxshi bir kitab uchrap qalsa, uni oqumisangmu élip qoyghin.
8.Qandaq anglashni ögen'gin. Chunki közge körünmeydighan pursetler küchlük qolaqqa muhtaj.
9.Saqchi bilen hergiz takanlashma.
10.Eqlingni yaki özüngge bolghan ishenchingni yaki mashinangning achquchini yoqatma.
11.Kona dostungni tuyuqsiz téléfon bérish bilen xoshal qiliwetkin.
12.Yer - zémin sétip almaqchi bolghiningda, munu üch shertke emel qil: orni, yene orni, yene orni.
13.Hayatingda wujudqa chiqarmaqchi bolghan ishlardin 10ni yézip, yéningda saqlighin.
14.Ayalinggha gül teqdim qilghin. Uning sewebini kyin oyliwal.
15.Qandaqla bir ishta üch qétim meghlup bolghan adem bilen shériklishishtin hezer eyle.
16.Her küni8 istikan su ichishni unutma.
17.Kishilerge yanchuqidikige qarap emes, qelbidikige qarap baha bergin.
18.Taqitinggha köre yashighin, yeni "Yotqan'gha béqip putungni sun'ghin".
19.Kesipke hiyle qilishni öginimen dep waqit serp qilmastin, kesipning özini ögen'gin.
20.Tebessum qilghin. Chünki u sendin chiqim telep qilmaydu. Emma uning qimmitini pulgha sundurghili bolmaydu.
21.Sen ghezeblik waqtingda birer ishni qarar qilma.
22.Emeliyetchanliqtin ziyade siliq bolgin. Emma héchkimge sendin paydilinishqa yol qoyma.
23.Sheytanning neyrenglirige aldanma. Chünki u bir xil körünmeydu.
24.Kishilerge ular kütkinidin köprekini bergin.
25.Normaldiki waqtingning köprekini baliliring bilen ötküzgin.
26.Yüz - abroyingni saqlighin. Kéyinki künler uning sendiki eng qimmetlik nerse ilkenlikini ispatlap béridu.
27.Özüngge élishtiki emes, belki bérishtiki qudritingge qarap baha bergin.
28.Sen uchrashqan herbir ademde sende bolmighan alahidilikler bolidu. Uni öginishke tirishqin.
29.Pulni xejleshte otturup qoyidighan adem hayatliqta hemmide utturup qoyidu.
30.Özüngni tüzetmey turup baliliringgha qilghan nesihetliringni payda béridu dep xam xiyal qilma.

Toluq bet