Alimjan bawdinofning "Jadu" romani kitapxanlar bilen yüz körüshti

Ularning beziliri ötmüsh tarixigha muraji'et qilip, xelqining béshidin ötken sergüzeshtlerni, uning hayat we küresh yolini eks ettürse, beziliri kündilik turmushta uchraydighan hadisilerni teswirleydu.
Ixtiyari muxbirimiz oyghan
2012-03-23
Élxet
Pikir
Share
Print
Alimjan bawdinofning "Jadu" romanining muqawisi
Alimjan bawdinofning "Jadu" romanining muqawisi
Public Domain

Ular bu arqiliq exlaq mesililirini yorutushqa, zamandashlirining yarqin obrazlirini berpa qilishqa tirishmaqta. Zamaniwi Uyghur edebiyatining bolupmu proza saheside barliqqa kelgen eserlerde yene shundaq bir alahidilikni bayqashqa bolidu.

Kéyinki waqitlarda almatada prozining roman zhanirida qelem tewritip kéliwatqan ediblerning biri alimjan bawdinof bolup, u ilgiri özining"Qalghan köngül", "Oylanmay basqan qedem", "Ay yüzidiki bulut" namliq powéstliri hem hékayiler toplamliri bilen keng kitabxan ammisigha tonulup kelgen idi.

Yazghuchining roman zhaniridiki "Mehbus" namliq tunji esiri 2008 - yili yoruq körgen bolup, uningda teqdirning éghir sinaqlirigha duch kelgen zamandashning siyasiy teqib netijiside tartqan azab - oqubetliri, kishiler arisidiki zich munasiwetler, sadaqetlik, pakliq, chidamliq oxshash insaniy peziletler, qatilliq, satqunluq, ikki yüzlük qatarliq rezil illetler teswirlen'gen.

Edipining nöwettiki""Jadu" romanidimu shu xil alahidilikni bayqashqa bolidu, lékin aptor bu qétimda wetinige, xelqige xiyanet qilip, bayliqni, abruyni ewzel körgen shexsning obrazini yaritishqa köprek orun bergen.

Radi'omiz ziyaritini qobul qilghan qazaqistan yazghuchilar ittipaqining ezasi alimjan bawdinof roman mezmunidin ayrim parchilarni tonushturdi.

Toluq bet