Teywende xelq'araliq ayrodromning namini özgertish jang keyshining obrazini yoq qilishni ilgiri sürmekte

2006-09-06
Élxet
Pikir
Share
Print

"Merkizi agéntliqi" ning 9 ‏- ayning 6 ‏- küni teybéydin xewer qilishiche, teywen kabinéti bügün qatnash ministirliqi otturigha qoyghan teklipni testiqlap, jang keyshi namidiki xelq'araliq ayrodromning namini özgertken. Nami özgertilgen bu xelq'araliq ayrodrom teybéy shehirining tawyu'en nahiyiside bolup, u 1979 ‏- yili bina qilinishqa bashlighandila gomindang partiyisining teklipige asasen jang keyshining nami bilen "jongjéng ayrodromi" dep atalghan iken. Emdi bu ayrodrom jang keyshining nami bilen emes, belki teywen zéminidiki bir yurtning nami bilen " tawyu'en ayrodromi" dep atilidu. Bu xelq'araliq ayrodromning qisqartilma nami TPE .

Öktichiler "bu minjindangning iradisi" deydu

"B b s" ning bayan qilishiche, bu özgirishni gerche teywen da'iriliri xelqning arzusigha asasen boldi, dep chüshendürsimu, emma öktichiler buni teywenni musteqil qilmaqchi boluwatqan minjindang partyi'isning iradisini eks ettürdi, dewatidu. Xewerde bayan qilinishiche, teywende xelq'araliq ayrodromning namini özgertish heqqidiki bu testiq hazir 2000 ‏-yili gomindang partiyisining hökümranliqi teywende ayaghlashqandin buyan dawamlishiwatqan jang keyshining obrazini dölet organliridin we bashqa jama'et sorunliridin yoq qilish herikitini ilgiri sürmekte.

Chén shuybyen prézidént bolghandin kéyin jang keyshining obrazi yoq qilinishqa bashlighan idi

B b s ning bayan qilishiche, jang keyshining tesirige qandaq baha bérish teywende uzundin buyan talash -tartishta turuwatqan bir mesile. Emma shunisi éniqki, jang keyshi 1949 ‏- yili gomindangning qalduq qisimliri bilen teywen'ge qéchip kélip, bu aralgha hökümranliq qilishqa bashlighandin buyan, u yerlik teywen xelqining pikir erkinlikini basturushni dawamlashturghan. 2000 ‏- Yili chén shuybyen teywen'ge prézidént bolup saylan'ghandin kéyin, teywende gomindangning bir partiye hökümranliqi ayaghlashti. Shuningdin kéyin teywende hökümet organlirida, mekteplerde, baghcha qatarliq jama'et sorunlirida jang keyshining obrazi yoq qilinishqa bashlidi. Buyil herbiy lagirlardimu jang keyshining obrazi élip tashlandi. Teybéy shehirining tawyu'en nahiyisidiki xelq'araliq ayrodrom teywenning xelq'araliq quwuqi bolghan asasliq ayrodromi bolup, emdi bu ayrodromning nami özgertilgendin kéyin, qisqisi, teywen'ge qayta kelgen kishiler özining nege kélip qalghanliqini bilelmey téngirqap qélishi mumkin.

Öktichiler hazir chén shuybyenni yiqitish herikiti qozghawatidu

"Amérika awazi" ning xewer qilishiche, teywende hazir öktichiler prézidént chén shuybyenni yiqitish herikitini qozghawatidu. Éytishlargha qarighanda 9 ‏- ayning 9 ‏- küni chén shuybyenni yiqitish üchün chong kölemlik jim olturush kürishi bashlinidiken. Öktichilerning bu heqtiki söz -heriketliri yéshilchilarning naraziliqini keltürüp chiqarghanliqtin, ularmu chén shuybyenni qollash üchün namayish qilishqa teyyarlanmaqta.

Chén shuybyen: teywen kommunist xitaygha qaytarma hujum qozghash iqtidarigha ige

"Merkizi agéntliqi" ning 9 ‏- ayning 5 ‏- küni xewer qilishiche, teywen prézidénti chén shuybyen hazir jenubiy tinch okyandiki aral döletlirini ziyaret qiliwatidu. U ziyaret jeryanida muxbirlarning so'allirigha jawab bergende, özining bu qétimqi ziyaritini kommunist xitay hökümitining diplomatiye arqiliq teywenning itipaqdashlirini tartip kétish, teywenning mewjut bolup turidighan boshluqini tosush yaki yoq qilish siyasitige qarshi turushni meqset qilidu, dep chüshendürgen. U sözide yene "hazir teywende chiqiwatqan qalaymiqanchiliq dewrge maslashqan, teywenning emeliyitige uyghun kélidighan bir asasiy qanunning yoqliqidin boluwatidu. Mana hazir teywende asasiy qanun islahati élip baridighan waqit yétip keldi" dégen. Teywen prézidénti chén shuybyen roytrs agéntliqining so'allirigha jawab bergende " kommunist xitay 2001 ‏- yilidila teywen'ge omumyüzlük tajawuz qilish iqtidarigha ige bolghan idi, emeliyette teywenmu uninggha qaytarma hujum qozghash iqtidarigha ige" dégen.

Teywende kishiler " kommunist" dégen ataqqa qélishtin numus qilidu

Teywende chiqidighan "alma géziti" ning 9 ‏- ayning 5 ‏- künidiki sanida bayan qilinishiche, gerche xitayda "junggoluq" , "kommunist" , "qizil" dégen atalghulargha ige bolush shereplik hésablansimu, emma teywende kishiler hazir bundaq atalghular bilen atilishni haqaret dep qaraydu. Teywenlikler adette " qara chaplidi" dégen sözni hazir "qizil chaplidi" dep ataydighan boldi. Eger birkim "kommunist" yaki "junggoluq" dégen ataqqa qalsa yaki "qizil chaplan'ghan" bolsa, uni intayin éghir alidu . Maqalide bayan qilinishiche, buningdin 3 yil burun téléwizorda ma yingjyu ependige qarita qilin'ghan bezi "yapta gep" ler bolghan iken. Mayingjyu uni "manga qizil chaplidi" dep sotqa erz qilghanda, sot mehkisi téléwiziye istansisining bir mudirigha "qizil chaplash gunahi sadir qilghan" dep hüküm chiqirip , uni tölem bérish we namaqul bolushqa buyrighan. Hazir teywende asassiz "qizil chaplash" kishilik hoquqqa tajawuz qilghanliq dep qarilidu. Maqalide bayan qilinishiche , teywende hazir yene bir özgirish barki, u bolsimu teywende hazir kishilerni "amérikan" yaki "yapon" dep atashning haqaret menisi yoq. Kishiler li déngxuyni "yapon" dep atisa u xosh bolidu. Teywende kishiler hazir " kommunist xitaygha yéqin" dégen menini ipadileydighan ataqqa qalmisila öz -ara xapiliship qalmaydu. (Weli)

Pikirler (0)
Share
Toluq bet