ئۇيغۇر زىيالىيسى كامىلجاننىڭ ' بۈگۈن ' ماۋزۇلۇق ماقالىسى ھەققىدە

11 - ئاينىڭ 12 - كۈنى ئۇيغۇرلار ئۈچۈن تارىخى ئەھمىيەتكە ئىگە بىر كۈن. بۈگۈن سابىت دامۇللام باشچىلىقىدىكى رەھبەرلەر 1933 يىلى قەشقەردە، رەھمەتلىك ئېلىخان تۆرەم باشچىلىقىدىكى رەھبەرلەر 1944 يىلى دەل مۇشۇ 11 - ئاينىڭ 12 كۈنى ئۇيغۇر تارىخىدا تۇنجى قېتىم شەرقى تۈركىستان جۇمھۇرىيىتىنى ئەمىلى قۇرۇپ چىققان بىر كۈن.
ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭىم
2008-11-13
ئېلخەت
پىكىر
Share
پرىنت
ﺋﯘﻳﻐﯘﺭ ﺯﯨﻴﺎﻟﯩﻴﺴﻰ ﻛﺎﻣﯩﻠﺠﺎﻥ ﺋﻪﭘﻪﻧﺪﯨﻨﯩﯔ ﺋﯩﻜﻜﻰ ﺟﯘﻣﻬﯘﺭﯨﻴﻪﺗﻨﯩﯔ ﻗﯘﺭﯗﻟﻐﺎﻥ ﻛﯜﻧﯩﮕﻪ ﺋﺎﺗﺎﭖ ﻳﺎﺯﻏﺎﻥ `ﺑﯜﮔﯜﻥ` ﻧﺎﻣﻠﯩﻖ ﻣﺎﻗﺎﻟﯩﺴﻰ ﻫﻪﻗﻘﯩﺪﻩ.
ﺋﯘﻳﻐﯘﺭ ﺯﯨﻴﺎﻟﯩﻴﺴﻰ ﻛﺎﻣﯩﻠﺠﺎﻥ ﺋﻪﭘﻪﻧﺪﯨﻨﯩﯔ ﺋﯩﻜﻜﻰ ﺟﯘﻣﻬﯘﺭﯨﻴﻪﺗﻨﯩﯔ ﻗﯘﺭﯗﻟﻐﺎﻥ ﻛﯜﻧﯩﮕﻪ ﺋﺎﺗﺎﭖ ﻳﺎﺯﻏﺎﻥ `ﺑﯜﮔﯜﻥ` ﻧﺎﻣﻠﯩﻖ ﻣﺎﻗﺎﻟﯩﺴﻰ ﻫﻪﻗﻘﯩﺪﻩ.
RFA

ئۇيغۇر زىيالىيسى كامىلجان ئەپەندىنىڭ ئىككى جۇمھۇرىيەتنىڭ قۇرۇلغان كۈنىگە ئاتاپ يازغان `بۈگۈن` ناملىق ماقالىسى تۈركىيىدىكى تور بەتلىرىدە ئېلان قىلىندى. ئاپتور ماقالىسىدە 20 - ئەسىردە ئۇيغۇرلار قۇرغان بۇ ئىككى جۇمھۇرىيەتنىڭ ئەھمىيىتى ئۈستىدە توختىلىپ مۇنداق دەپ يازىدۇ: "بۈگۈن ئېتىقاد چۈشەنچىمىزنىڭ ۋە مىللى تارىخىمىزنىڭ مېراجى يارىتىلغان بىر كۈن. بۈگۈن دۇنيا تارىخىدىكى تۇنجى ئىسلام جۇمھۇرىيىتى، يەنى، شەرقى تۈركىستان جۇمھۇرىيىتى ئىككى قېتىم قۇرۇلغان بىر كۈن. بىز مۇشۇ بۈگۈنىمىزنىڭ ئىپتىخارى بىلەن ھازىرمۇ بېشىمىزنى تىك تۇتۇپ دۇنياغا مەغرۇر قارىيالايدىغان بىر كۈن."

 ئاپتور ماقالىسىنىڭ ئاخىرىدا ئۇيغۇرلارنىڭ ئەشۇ كۈننى سېغىنىۋاتقانلىقىنى ئۇ ئەركىنلىكنى ئۇ كۈننى قايتا قولغا كەلتۈرۈش ئۈچۈن نېمە قىلىشى كېرەكلىكىنى مەشھۇر تۈرك شائىرى مەھمەت ئاكىف ئەرسوينىڭ شېئىرلىرى بىلەن ئاڭلاتقان.

مانا ئەمدىلىكتە يا يىغلاشنى، يا كۈلۈشنى بىلمەي، ئەشۇ بۈگۈننى خاتىرىلىمەكتىمىز، ئەشۇ بۈگۈننى سېغىنماقتىمىز، ئەشۇ بۈگۈنگە تەلپۈنمەكتىمىز، چوڭقۇر ھەسرەت بىلەن ئەشۇ بۈگۈننى چاقىرماقتىمىز. ئەمما مىللىي تارىخىمىزنىڭ مېراجى بولغان ئۇلۇغ بۈگۈنىمىز بولسا، بىزگە ئېچىنىپ نالە قىلماقتا، خۇددى تۈركىيە شائىرى ئېيتقاندەك:

بايراقنى بايراق قىلغان ئۈستىدىكى قاندۇر،
تۇپراق ئەگەر جان بەرگۈچى بولسا ۋەتەندۇر.

دېگىنىچە ۋىجدانىمىزغا خىتاب قىلماقتا. ئەشۇ بۈگۈنىمىزنى قايتىدىن قايتۇرۇپ ئالالىشىمىز ئۈچۈن بىزنى بەدەل تۆلەشكە چاقىرماقتا.

بىز بۇ ماقالە ھەققىدە تېخىمۇ كۆپ مەلۇمات ئېلىش ئۈچۈن ماقالىنىڭ ئاپتورى كامىلجان ئەپەندىگە مىكروفونىمىزنى ئۇزاتتۇق.


تولۇق بەت