Әнқәрәдә "көч вә түркий хәлқләр" темисида йиғин чақирилди

12-Айниң 23-күни кәчтә түрксой идарисиниң залида "көч вә түркий хәлқләр" темисида йиғин чақирилди. Йиғинға түрксой муавин башлиқи фират фулташ, түркийә баш министирлиқ тармиқида йеңи қурулған чәтәлдә яшаватқан түркләр вә қериндаш түркий милләтләр идариси башлиқи кемал юртнач әпәнди, түркийә баш министирлиқ мәслиһәтчиси сейит йүсүп әпәнди, явропа түрк демократлар бирлики рәиси вейси гүнгөр әпәнди, түркийә истратегийә тәтқиқат мәркизи башлиқи синан оган әпәндиләр қатнашти вә сөз қилди. Булардин башқа түркийидики көчмәнләр билән мунасивәтлик аммиви тәшкилат мәсуллири, мутәхәссисләр қатнашти вә сөз қилди. Шәрқий түркистан аммиви тәшкилатлириға вакалитән хәйруллаһ әфәндигил әпәнди қатнашти.
Ихтиярий мухбиримиз әркин тарим
2010-12-24
Елхәт
Пикир
Share
Принт
12-Айниң 23-күни әнқәрәдә ечилған "көч вә түркий хәлқләр" йиғини
12-Айниң 23-күни әнқәрәдә ечилған "көч вә түркий хәлқләр" йиғини
RFA/Erkin Tarim

Баш министирлиқ тармиқидики чәтәлдики түркләр вә қериндаш түркий милләтләр идарисиниң мудири кемал юртнач әпәнди, йеңи қурулған бу идарә һәққидә мәлумат бәрди. Бу идаридә 4 башқарма тәсис қилинғанлиқини, бу башқармилар ичидә қериндаш түркий милләтләр башқармисиниңму барлиқини, бу башқарминиң түркий милләтләрниң пүтүн мәсилилири һәққидә издинип доклатлар тәйярлайдиғанлиқини ейтти. Түркийә җумһурийити дөлитиниң чәтәлдә яшаватқан түркләр вә қериндаш түркий милләтләргә алаһидә көңүл бөлидиғанлиқини, бу идаригә йеқинда 170 хизмәтчи қобул қилидиғанлиқини ейтти.

12-Айниң 23-күни әнқәрәдә ечилған "көч вә түркий хәлқләр" йиғини
12-Айниң 23-күни әнқәрәдә ечилған "көч вә түркий хәлқләр" йиғини RFA/Erkin Tarim
У сөзидә йәнә, бу идариниң түркийигә келип оқуватқан түркий милләттин оқуғучилар вә панаһлиқ тилигән көчмәнләрниң әһвали һәққидиму тәкшүрүш елип баридиғанлиқини ейтти. Кейин баш министирлиқ баш мәслиһәтчиси сеййит йүсүп сөз қилди. У сөзидә түркийиниң 1923-йили қурулғандин 2010-йилиғичә дуняниң һәр қайси җайлиридин җәмий 1 милйон 756 миң 380 кишиниң түрк пуқраси болғанлиқини, бүгүнки күндә уйғурларниң, ирақтики түркмәнләрниң, сабиқ совет иттипақи земинидики аһиска түрклириниң, афғанистанлиқларниң давамлиқ һалда түркийигә көчүп келиватқанлиқини, түркийиниң бу көчмәнләргә қулайлиқ яритип бериши керәкликини ейтти.

Пикирләр (0)
Share
Толуқ бәт