Enqerede "köch we türkiy xelqler" témisida yighin chaqirildi

12-Ayning 23-küni kechte türksoy idarisining zalida "köch we türkiy xelqler" témisida yighin chaqirildi. Yighin'gha türksoy mu'awin bashliqi firat fultash, türkiye bash ministirliq tarmiqida yéngi qurulghan chet'elde yashawatqan türkler we qérindash türkiy milletler idarisi bashliqi kémal yurtnach ependi, türkiye bash ministirliq meslihetchisi séyit yüsüp ependi, yawropa türk démokratlar birliki re'isi wéysi gün'gör ependi, türkiye istratégiye tetqiqat merkizi bashliqi sinan ogan ependiler qatnashti we söz qildi. Bulardin bashqa türkiyidiki köchmenler bilen munasiwetlik ammiwi teshkilat mes'ulliri, mutexessisler qatnashti we söz qildi. Sherqiy türkistan ammiwi teshkilatlirigha wakaliten xeyrullah efendigil ependi qatnashti.
Ixtiyariy muxbirimiz erkin tarim
2010-12-24
Élxet
Pikir
Share
Print
12-Ayning 23-küni enqerede échilghan "köch we türkiy xelqler" yighini
12-Ayning 23-küni enqerede échilghan "köch we türkiy xelqler" yighini
RFA/Erkin Tarim

Bash ministirliq tarmiqidiki chet'eldiki türkler we qérindash türkiy milletler idarisining mudiri kémal yurtnach ependi, yéngi qurulghan bu idare heqqide melumat berdi. Bu idaride 4 bashqarma tesis qilin'ghanliqini, bu bashqarmilar ichide qérindash türkiy milletler bashqarmisiningmu barliqini, bu bashqarmining türkiy milletlerning pütün mesililiri heqqide izdinip doklatlar teyyarlaydighanliqini éytti. Türkiye jumhuriyiti dölitining chet'elde yashawatqan türkler we qérindash türkiy milletlerge alahide köngül bölidighanliqini, bu idarige yéqinda 170 xizmetchi qobul qilidighanliqini éytti.

12-Ayning 23-küni enqerede échilghan "köch we türkiy xelqler" yighini
12-Ayning 23-küni enqerede échilghan "köch we türkiy xelqler" yighini RFA/Erkin Tarim
U sözide yene, bu idarining türkiyige kélip oquwatqan türkiy millettin oqughuchilar we panahliq tiligen köchmenlerning ehwali heqqidimu tekshürüsh élip baridighanliqini éytti. Kéyin bash ministirliq bash meslihetchisi séyyit yüsüp söz qildi. U sözide türkiyining 1923-yili qurulghandin 2010-yilighiche dunyaning her qaysi jayliridin jem'iy 1 milyon 756 ming 380 kishining türk puqrasi bolghanliqini, bügünki künde Uyghurlarning, iraqtiki türkmenlerning, sabiq sowét ittipaqi zéminidiki ahiska türklirining, afghanistanliqlarning dawamliq halda türkiyige köchüp kéliwatqanliqini, türkiyining bu köchmenlerge qulayliq yaritip bérishi kéreklikini éytti.

Toluq bet