Хитайниң әнқәрә әлчиханисиға партлиғучи мадда ташлиған мәмәт уйғур қоюп берилди

Хитайниң дөләт байримиға бир күн қалғанда йәни 30 - сентәбир күни саәт 18:45 дә, мәмәт уйғур истанбулдин әнқәрәгә келип хитайниң әнқәрәдә турушлуқ әлчиханисиға өзи ясиған партлиғучи маддини ташлиғандин кейин, қамап қоюлған иди.
Мухбиримиз әркин тарим
2009-12-30
Елхәт
Пикир
Share
Принт
Сүрәт, мәмәт турсун уйғур әпәндиниң, 2008 - йили 8 - айниң 8 - күни әнқәрәдики намайишта, уйғур хәлқи дуч келиватқан зулумни дунйа җамаәтчиликигә йәткүзүш мәқситидә һайати хәвп - хәтәргә қаримай өзигә от қойуп йариланған вә дохтурханидин сақийип чиққандики көрүнүши.
Сүрәт, мәмәт турсун уйғур әпәндиниң, 2008 - йили 8 - айниң 8 - күни әнқәрәдики намайишта, уйғур хәлқи дуч келиватқан зулумни дунйа җамаәтчиликигә йәткүзүш мәқситидә һайати хәвп - хәтәргә қаримай өзигә от қойуп йариланған вә дохтурханидин сақийип чиққандики көрүнүши.
RFA Photo / Erkin Tarim

Үч айдин бери әнқәрә синҗан түрмисигә қамап қоюлған мәмәт уйғур бүгүн сотқа чиқирилди.

Мәмәт уйғур 12-айниң 30-күни әтигән саәт 10да әнқәрә сот идарисида сотланди. Сотқа әйиблигучи тәрәпниң вәкили нең җу вә уларниң адвокати қатнашмиди. Бу сотқа мәмәт уйғурниң аяли, 12 яштики оғли мәрдан, 6 яшлиқ қизи муйәссәр вә әнқәрәдики бәзи уйғурлар қатнашти. Бизму баштин ‏- ахир бу сотқа қатнаштуқ.

30 Минут әтрапида давамлашқан бу сот ахирида , сотчи, мәмәт уйғурни қоюп бериш қарарини җакарлиди. Бу қарарни аңлиған уйғурлар хушаллиқидин чавак челип алқишлап кәтти. Бала-чақилири болса хушаллиқ көз йеши төкүшти.

Биз сот ахирлашқандин кейин , мәмәт уйғурниң адвокати хақан ашиқ әпәндигә микрафонимизни узаттуқ. У бу сотниң нәтиҗисини шундақ аңлатти: "һәммимизгә мәлум болғинидәк, хитай бесивалған шәрқий түркистанда яшаватқан қериндашлиримизниң аһ-зарини , хитайниң бесим сияситини, ирқий қирғинчилиқини дүня җамаәтчиликигә аңлитиш үчүн 3 ай бурун хитай хәлқ җумһурийитиниң әнқәрәдә турушлуқ әлчиханисиға партлиғучи мадда ташлиған мәмәт уйғур исимлиқ қериндишимиз бүгүнки сотта қоюп берилди. Бу қериндишимиз, "қәстән от қоюп мал мүлккә зиян салди" дәп әйибләнгән иди. Түрк сақчилири үч айлиқ тәкшүрүш нәтиҗисидә, түрк соти хитайларниң шәрқий түркистан хәлқиғә елип бериватқан бесиминиму нәзәрдә тутуп туруп, түрк җаза қануниға асасән мәмәт уйғурни қоюп бәрди. Буниң уйғур хәлқи үчүн хәйирлик болушини тиләймән."
   
Биз сот аяғлашқандин кейин микрафонимизни мәмәт уйғурниң оғли мәрдан вә 6 яштики қизи муйәссәргә узаттуқ.

Кейин бу сотқа қатнашқан шәрқий түркистан мәдәнийәт вә һәмкарлиқ җәмийити әнқәрә шөбисиниң мәсули хәйруллаһ әфәндигил әпәндигиму микрафонимизни узаттуқ.

Мәмәт уйғур 2008 - йиллиқ олимпик мусабиқисиниң хитайда өткүзүлүшигә наразилиқ билдүрүш үчүн хитайниң әнқәрә әлчиханисиниң алдида намайиш өткүзүлгәндә, өзигә от қоюп наразилиқ билдүргән иди. У, бәдинигә бензин чечип, от яққанда , түрк сақчилири от өчүргүч билән өчүрүвалған болсиму, әмма у еғир яриланған иди.

Мәмәт уйғур йәнә 2008 - йили 4 - айниң 3 - күни истанбулда бейҗиң олимпик мәшилини елип қечишқа урунған иди.

Юқиридики аваз улинишидин, бу һәқтики мәлуматимизниң тәпсилатини аңлайсиләр.
 
Пикирләр (1)
Share

Исимсиз оқурмән

Өзәмдин нумус қиливатимән ,

Jan 01, 2010 05:28 AM

Толуқ бәт