Uyghur élide"Muhebbetning on sherti" ni axturushqa dölet amanliq etriti mes'ul bolmaqta

Xitay da'iriliri rabiye qadir xanim heqqide ishlen'gen "muhebbetning on sherti" ning DVD plastinkilirini axturush herikiti ürümchidin bashqa jaylardimu élip bériwatqan bolup, bu xil axturushlargha dölet amanliq etritini heriketlendürgen.
Muxbirimiz gülchéhre
2011-03-01
Élxet
Pikir
Share
Print
"Muhabbetning 10 sherti" ning teshwiq waraqchisi
"Muhabbetning 10 sherti" ning teshwiq waraqchisi
http://www.10conditionsoflove.com/

Xitay da'irilirining ikki hepte ilgiri ürümchide bashlighan, medeniyet bazarlirini tekshürüsh tertipke sélish bahaniside amma arisida tarqilip yürgen rabiye qadir xanim heqqide ishlen'gen "Muhebbetning on sherti" ning DVD plastinkilirini axturush herikiti ürümchidin bashqa jaylardimu élip bériliwatqan bolup, munasiwetlik orunlargha qaratqan téléfon ziyaretlirimizdin, xitay da'irilirining  bu xil axturu'ishlargha dölet amanliq etritini heriketlendürgenliki ashkarilandi. Rabiye qadir xanim bolsa "ürümchi we Uyghur élining bashqa jaylirida élin'ghan bu xil tedbirlerning, ereb dunyasida qozghalghan hökümetke qarshi namayishlar ewj éliwatqan peytlerge toghra kelgenliki, mezkur heriketning meqsitining addi emeslikini körsitidu" deydu . Bu heqte muxbirimiz gülchéhre bizni yenimu toluq melumatlar bilen temin étidu.

Dunya Uyghur qurultiyining tarqatqan uchurigha asaslan'ghanda, xitay da'iriliri ikki ‏- üch hepte ilgiri ürümchide medeniyet bazarlirini tazilap tertipke sélish herikiti bashlighan. Bu jeryanda yeni ürümchi tengritagh rayonigha qaraydighan mehellilerde, bolupmu döngköwrük etrapida Uyghurlarning öylirini axturup yürüp, 10 -féwral etrapida da'iriler ürümchi döngköwrük etrapida, rabiye qadir xanim heqqide ishlen'gen höjjetlik filim- "Muhebbetning on sherti" ning DVD plastinkisini bayqighan . Dunya Uyghur qurultiyi bayanatchisi dilshat rishitning bildürüshiche, 22- féwral küni ürümchide xotendin kelgen 23 yashliq xalmurat imin isimlik bir Uyghur yigit öyide rabiye qadir xanim heqqide ishlen'gen "Muhebbetning on sherti" ning DVD plastinkilirini saqlighanliqi üchün , eksil'inqilabiy mezmundiki matériyallarni saqlash jinayiti bilen qolgha élin'ghan.

Qolgha élin'ghuchi xalmurat iminning ehwali, uning qandaq jinayetler bilen tutulghanliqi heqqide yenimu éniq melumat élish üchün ürümchidiki jama'et xewpsizlik tarmaqliri bilen alaqilashtuq. Tengritagh rayonigha qarashliq bir saqchixanidin ziyaritimizni qobul qilghan bir Uyghur saqchi, rabiye qadir xanim heqqide ishlen'gen "Muhebbetning on sherti" ning DVD plastinkilirini axturush herikitini jama'et xewpsizlik tarmaqliri emes, belki dölet amanliq etriti biwaste mes'ul bolup élip bériwatqanliqini bildürdi , uning bildürüshiche, eksil'inqilabiy heriket we dölet muqimliqigha munasiwetlik délolargha nöwette yéngidin qurulghan dölet amanliq etriti mes'ul iken.

Halbuki, buning aldida radi'omiz gu'angdung bölümning ziyaritini qobul qilighan ürümchi shehiri tengritagh rayonluq kocha bashqurush ishxanisidiki bir xadim tekshürüshni sheherlik medeniyet idarisi bilen sheher bashqurush idarisi birlikte élip barghanliqini bildürgen idi.

Qeshqer , xoten , turpan qatarliq jaylardiki saqchi da'irilirige qaratqan téléfon ziyaretlirimizdin , qanunsiz neshr buyumlargha zerbe bérish herikitining hemmila jayda oxshash élip bériliwatqanliqi delillendi.

Uyghur milliy herikiti rehbiri rabiye qadir xanim bolsa, xitay da'irilirining "Muhebbetning 10 sherti" DVDsini axturushni bahane qilip, Uyghur élining her qaysi jaylirida teng bashlighan bu qétimliq zerbe bérish herikitini yalghuz eksil'inqilabiy neshr buyumlirini tazilashqa qaritilghan bolmastin, nöwettiki dunya siyasiy weziyiti bilenmu munasiwetlik dep qaraydighanliqini bildürdi:

Gerche, xitay da'iriliri bu qétimliq qanunsiz neshr buyumlirigha zerbe bérish herikiti heqqide mexsus uqturush yaki xewer élan qilmighan bolsimu, emma bezi yerlik uchur tor betliridin ürümchidin bashqa jaylardimu bu xil heriketlerning xéli burunla bashlan'ghanliqi melum.
Xoten amanliq torida -25 yaniwar tarqitilghan xewerde, xoten qariqash nahiyisining yéza, kentlirigiche medeniyet bazarlirini tazilap tertipke sélish herikiti élip bérilghanliqi , da'irilerning bir qisim qanunsiz neshr buyumlirini musadire qilghanliqi körsitilgen. Emma, tekshürüshning "Muhebbetning on sherti" ning ürümchide bayqilishi bilen chétishliq ikenliki tilgha élinmighan.

Toluq bet