Gu'angjuda saqchilar teripidin öltürülgen Uyghurning salahiyiti éniqlandi

2006-06-30
Élxet
Pikir
Share
Print

19 - Iyun küni gu'angjuning yöshi'u rayonida xitay saqchilar teripidin öltürülgen Uyghurning salahiyiti heqqide yenimu éniq melumatqa ige bolduq. Ölgüchi gu'angjugha maralbéshidin yéqinda kelgen 19 yashlardiki yigit bolup isim familisi hesenjan rozi iken.

Biz yene hesenjan rozining mesilisining qandaq bir terep qiliniwatqanliqi heqqide gu'angjudiki Uyghurlardin uchur élishqa tirishtuq. Ismini ashkarilashni xalimighan bir sodiger kishi nöwette saqchi hemde hökümet terepning bésimi bilen Uyghurlarning nöwette hesenjanning naheq öltürülgenlikini ochuq ‏- ashkara sözlishishtin özini tartiwatqanliqini éytti.

Gu'angjuda yüz bergen hesenjanning xitay saqchilar teripidin öltürülüsh weqesi nöwette gu'angjuda tijaret qiliwatqan Uyghurlar arisidila emes, xitayning bashqa jayliridiki Uyghurlardimu ghulghula qozghighan bolup, ular hökümetning hesenjanning ölüshige sewebchi saqchilarning qanuniy mes'uliyitini sürüshte qilishini kütmekte, shundaqla hesenjanning maralbéshidiki ata - anisimu nöwette gu'angju shehirige yétip kelgen bolup, bu mesilining adil bir terep qilinishi, merhum hesenjanning méyitining yerlikke waqtida qoyulushi we rohining emin tépishigha teqezza bolmaqta iken.

Bu heqtiki melumatlarni, muxbirimiz gülchéhrening ziyankeshlikke uchrighuchi hesenjanning a'ile tawabatliri we yutdashlirini ziyaret qilish asasidiki birinji qol matériyallar asasida teyyarlighan tepsili xewiridin anglang.

Pikirler (0)
Share
Toluq bet