Nijat abduréhim: 'teqdirim éniq emes, emma basqan qedimimge pushayminim yoq'

Nöwette shwétsariyide panahliq tilep turuwatqan we ikki qétim chégradin chiqirilish xewpidin qutulup qalghan sabiq saqchi nijat abduréhim, öz teqdirining hélihem éniqsiz ikenlikini, shundaqtimu, basqan qedimige yeni, xizmitidin istépa bergenliki, chet'elge chiqip siyasiy panahliq tiligenliki qatarliq hayatidiki burulush xaraktérlik qedemlirige pushayman qilmaydighanliqini bildürdi.
Muxbirimiz shohret hoshur
2010-10-04
Élxet
Pikir
Share
Print
Süret, sabiq xitay alahide saqchisi nijat abduréhimning yawropada melum panaliq tilesh merkizidiki körünüshi.
Süret, sabiq xitay alahide saqchisi nijat abduréhimning yawropada melum panaliq tilesh merkizidiki körünüshi.
http://news.boxun.com Din élindi.


Yéqinqi 15 yil mabeynide, Uyghur rayonida köp qétimlap qattiq zerbe bérish heriketliri élip bérildi. "5 ‏- Féwral" we "5 ‏- iyul" weqeliride ikki qétim qattiq basturush dawam qildi.

Melum bolushiche, mana bu heriketler dawamida naheqchiliklerge chidimighan bir qisim Uyghur saqchilar wezipisidin istépa bergen bolsa, beziliri wezipe ijra qilish dawamida, öz millitige qarita hésdashliqini yoshuralmay qalghan ehwalda wezipisidin élip tashlan'ghan. Emma bularning ichide chet'elge qéchip chiqip weziyetni dunyagha pash qilish pursitige érisheligenler we yaki bundaq qilishqa tewekkül qilalighanlarning sani bek az. Mana bulardin biri, nijat abduréhimdur.

Nijat abduréhim, chet'elge chiqqandin kéyin, özi shahit bolghan bir qisim échinishliq weqelerni, b d t ning alaqidar organlirigha melum qilghan. Uning bildürüshiche, hazir u xeterdin qutulup ketkini yoq, emma basqan, qedimige pushayman emes؛ eksiche, millitining derdini azraq bolsimu dunyagha pash qiliwalghini üchün memnun. U bu xil pash qilishlar köpeygenséri, xitaygha xelq'ara bésimning küchiyidighanliqi, buning netijiside héch bolmighanda, zulumghu uchrighuchilar sanida töwenlesh bolidighanliqigha ümid bilen qarimaqta.

Nijat abduréhimning bildürüshiche, u xizmitidin istépa bergen küni bezi dostliri uni "exmeq" dep mazaq qilghan. Béziler uni istépasini yanduruwélishqa ündigen. Emma uning a'ilisi, uning saqchidin chékin'genlik qararidin memnun bolghan.

5 ‏- Iyul weqesige oxshash zor weqeler, bezi Uyghur saqchilarni xizmitidin waz kéchishke ündigen, yene bezlerni orun we mertiwe jehettin yenimu ilgirileshke qiziqturghan we bu xil intilishtikilerge purset yaritip bergen.

Bu heqte kéyinki programmilirimizda melumat bérimiz.

Yuqiridiki awaz ulinishidin, bu heqtiki melumatimizning tepsilatini anglaysiler.

Toluq bet