Пакистан юқири сот мәһкимиси өмәр уйғур вәхпиниң пакистан ички ишлар министирлиқи үстидин ачқан әрзини рәт қилди

Пакистан юқири сот мәһкимиси, бүгүн йәни 31 ‏-январ күни дәвагәр өмәр уйғур вәхпи билән җавабкар ички ишлар министирлиқини сотқа чақирған иди.
Мухбиримиз шөһрәт һошур
2012-01-31
Елхәт
Пикир
Share
Принт
Пакистанниң исламабат шәһридә йашаватқан уйғурларму 4 ‏- айниң 5 ‏- күни өмәр уйғур вәқпиниң уйуштуришида, барин вәқәсиниң 19 йиллиқи мунасивити билән барин шеһитлирини хатириләш паалийити өткүзгән.
Пакистанниң исламабат шәһридә йашаватқан уйғурларму 4 ‏- айниң 5 ‏- күни өмәр уйғур вәқпиниң уйуштуришида, барин вәқәсиниң 19 йиллиқи мунасивити билән барин шеһитлирини хатириләш паалийити өткүзгән.
RFA Photo / Erkin Tarim

Сотқа җавабкар тәрәп йетип кәлмигән; шундақ туруқлуқ сотчи, министирлиқниң язма баянлирини тоғриға чиқирип, өмәр уйғур вәхпиниң әрзини рәт қилған. Радиомиз зияритини қобул қилған тәшкилат мәсуллири, давадин ваз кәчмәйдиғанлиқини вә йәнә бир балдақ өрләп дава қилидиғанлиқини билдүрди. Тәшкилат йәнә уйғур вә хәлқара тәшкилатларни пакистан сотиниң мәзкур давани бир тәрәп қилиш җәрянини көзитиш вә назарәт қилишқа чақирди.

Өмәр уйғур вәхпи пакистан юқири сот мәһкимисигә әрз сунуп, пакистан ички ишлар министирлиқиниң, өзлирини чеградин чиқиши чәкләнгәнләр тизимликигә киргүзгәнликигә наразилиқ билдүргән вә министирлиқни җавабкарлиққа тартишни тәләп қилған иди. Министирлиқ болса мушу айниң бешида сотқа язма бир доклат сунуп, дәвагәрләрниң пакистан дөлитигә қарши паалийәт елип барғанлиқини илгири сүрүп уларниң әрзини бикар қиливетишни тәләп қилған. Пакистан юқири сот мәһкимиси, бүгүн тунҗи қетим дәвагәр билән җавабкарни бирла вақитта сотқа чақирған.

Даваниң буниңдин кейинки әһвали һәққидә өмәр уйғур вәхпиниң башлиқи дәвагәр өмәрҗан радиомизға сөз қилип, давадин йәнила ваз кәчмәйдиғанлиқини, алдимиздики күнләрдә сотниң юқириқи һөкүмигә қарита әрзи сунидиғанлиқини билдүрди.

Даваниң җәрянидин қариғанда, тәшкилат мәсуллириниң сотта утуп чиқиштин бәкрәк, уйғур мәсилисини пакистан хәлқи вә дуня җамаитигә тонутушни асаси мәқсәт қилғанлиқи байқалмақта.

Тәпсилатини юқиридики аваз улинишидин аңлиғайсиләр.

Пикирләр (0)
Share
Толуқ бәт