Pakistan yuqiri sot mehkimisi ömer Uyghur wexpining pakistan ichki ishlar ministirliqi üstidin achqan erzini ret qildi

Pakistan yuqiri sot mehkimisi, bügün yeni 31 ‏-yanwar küni dewager ömer Uyghur wexpi bilen jawabkar ichki ishlar ministirliqini sotqa chaqirghan idi.
Muxbirimiz shöhret hoshur
2012-01-31
Élxet
Pikir
Share
Print
Pakistanning islamabat shehride yashawatqan uyghurlarmu 4 ‏- ayning 5 ‏- küni ömer uyghur weqpining uyushturishida, barin weqesining 19 yilliqi munasiwiti bilen barin shéhitlirini xatirilesh paaliyiti ötküzgen.
Pakistanning islamabat shehride yashawatqan uyghurlarmu 4 ‏- ayning 5 ‏- küni ömer uyghur weqpining uyushturishida, barin weqesining 19 yilliqi munasiwiti bilen barin shéhitlirini xatirilesh paaliyiti ötküzgen.
RFA Photo / Erkin Tarim

Sotqa jawabkar terep yétip kelmigen؛ shundaq turuqluq sotchi, ministirliqning yazma bayanlirini toghrigha chiqirip, ömer Uyghur wexpining erzini ret qilghan. Radi'omiz ziyaritini qobul qilghan teshkilat mes'ulliri, dawadin waz kechmeydighanliqini we yene bir baldaq örlep dawa qilidighanliqini bildürdi. Teshkilat yene Uyghur we xelq'ara teshkilatlarni pakistan sotining mezkur dawani bir terep qilish jeryanini közitish we nazaret qilishqa chaqirdi.

Ömer Uyghur wexpi pakistan yuqiri sot mehkimisige erz sunup, pakistan ichki ishlar ministirliqining, özlirini chégradin chiqishi cheklen'genler tizimlikige kirgüzgenlikige naraziliq bildürgen we ministirliqni jawabkarliqqa tartishni telep qilghan idi. Ministirliq bolsa mushu ayning béshida sotqa yazma bir doklat sunup, dewagerlerning pakistan dölitige qarshi pa'aliyet élip barghanliqini ilgiri sürüp ularning erzini bikar qiliwétishni telep qilghan. Pakistan yuqiri sot mehkimisi, bügün tunji qétim dewager bilen jawabkarni birla waqitta sotqa chaqirghan.

Dawaning buningdin kéyinki ehwali heqqide ömer Uyghur wexpining bashliqi dewager ömerjan radi'omizgha söz qilip, dawadin yenila waz kechmeydighanliqini, aldimizdiki künlerde sotning yuqiriqi hökümige qarita erzi sunidighanliqini bildürdi.

Dawaning jeryanidin qarighanda, teshkilat mes'ullirining sotta utup chiqishtin bekrek, Uyghur mesilisini pakistan xelqi we dunya jama'itige tonutushni asasi meqset qilghanliqi bayqalmaqta.

Tepsilatini yuqiridiki awaz ulinishidin anglighaysiler.

Toluq bet