Хитай һөкүмити йеқинда оқутқучилиқ алаһидә программиси пиланини оттуриға қойди

2006-05-22
Елхәт
Пикир
Share
Принт

Йеқинда хитай маарип, малийә министирлиқи вә хитай кадирлар башқармиси бирликтә уқтуруш чүшүрүп, бундин кейинки 5 йил ичидә " йеза мәҗбурий маарипи оқутқучилиқ алаһидә программиси пилани" ни оттуриға қойидиғанлиқини билдүргән.

Хитай маарип министирлиқиниң мәлум қилишичә, мәзкур пилан 11 өлкини өз ичигә алған ғәрби райондики йезиларда иҗра қилинидиған болуп, уйғур елидики ишләпчиқириш ‏- қурулуш армийисиму шу җайларниң бири болуп һесаблинидикән.

Хитай маарип, малийә министирлиқи вә хитай кадирлар башқармиси бирликтә бекиткән " йеза мәҗбурий маарипи оқутқучилиқ алаһидә программиси пилани" бойичә, бу йил вә яки илгири алий мәктәп пүттүргән оқуғучилар ғәрбий районлардики йезиларға берип, мәзкур җайдики мәктәп орунлири билән 3 йиллиқ тохтам түзгәндин кейин, рәсмий оқутқучилиқ хизмитигә игә болалайдикән һәмдә уларниң айлиқ маашиму йәрлик рәсмийләшкән оқутқучиларға охшаш болуп, йилиға 15 миң сом әтрапида болидикән.

Мәзкур пиланда йәнә "ғәрбий районға келип тохтам түзүп оқутқучилиқ қилғучилар, тохтам вақти тошқандин кейин өзи ишлигән мәктәптә яки башқа мәктәп орунлирида ишләймән десә ихтияри икән. Әгәр оқутқучилиқтин башқа хизмәт қилимән десә, йәрлик һөкүмәт орунлириниң уларға қолайлиқ яритип бериш мәҗбурийити бар икән.

Хитай һөкүмити тәрипидин оттуриға қоюлған бу оқутқучилиқ алаһидә программиси пилани һәққидә чәтәлләрдики уйғур вә хитай зиялийлири түрлүк охшимиған пикирләрни оттуриға қоймақта. Бир қисим хитай зиялийлири "мәзкур пилан йеза маарипида мәвҗут мәсилиләрни һәл қилишниң яхши амали, чүнки бундақ қилиш арқилиқ ғәрбий райондики оқутқучи кам болуңтәк мәсилини бир тәрәп қилғили болиду " дәп билдүрмәктә.

Бу һәқтики тәпсили мәлуматларни, мухбиримиз меһрибанниң мәхсус программисидин аңлаң.

Пикирләр (0)
Share
Толуқ бәт