Saqchilar qaraqash nahiye baziridimu weqe yüz bergenlikini étirap qildi

2008-03-30
Élxet
Pikir
Share
Print

Tünügün, xitayning bir heptidin béri sir tutup kéliwatqan, xoten shehiride yüz bergen 23 ‏ - mart namayishini xewer qilghan iduq. Bügün radi'omizgha élxet arqiliq kelgen yene bir inkasta, 23 ‏ - mart küni oxshash waqitta xotenning qaraqash nahiye baziridimu weqe yüz bergenlikini melum boldi.

Biz qaraqash nahiyilik saqchi idarisining chiniwagh saqchi ponkitigha téléfon qilghinimizda, saqchilar weqening yüz bergenlikini étirap qildi . Emma tepsilati üstide toxtilishtin özini qachurdi.

Qaraqashtiki weqe heqqide bizge élxet arqiliq kelgen inkasta , qaraqash nahiyiside kishilerning namayish üchün toplan'ghanliqi, saqchilar namayishqa tosqunluq qilghan we tutqun qilishqa bashlighanda terepler arisida toqunush kélip chiqqanliqini bildürgen idi. Saqchi terep bulardin peqet weqening yüz bergenlikinila étirap qildi. Emma namayishqa toplashqanlarning sani we toqunush yüz bérip - bermigenliki we toqunushning derijisi téxiche sir péti turmaqta.

Yuqiridiki ulinishtin, qaraqash nahiye chiniwagh saqchi ponkiti bilen élip barghan qisqa bir söhbitimizning tepsilatini angliyalaysiz. (Shöhret hoshur)

Pikirler (0)
Share
Toluq bet