Rabiye qadir xanim norwégiyidiki Uyghurlargha nutuq sözlidi

Bügün norwégiye Uyghur komitéti paytext osloda dunya Uyghur qurultiyi re'isi rabiye qadir xanim we mu'awin re'isi séyit tümtürk ependini kütüwélish murasimi ötküzdi.
Ixtiyariy muxbirimiz aygül yüsüp
2011-01-29
Élxet
Pikir
Share
Print
Rabiye qadir xanim norwigiyining paytexti osloda Uyghurlargha soz qildi. 2011-Yili 29-yanwar
Rabiye qadir xanim norwigiyining paytexti osloda Uyghurlargha soz qildi. 2011-Yili 29-yanwar
RFA/Aygul

Murasimgha 150 tin artuq adem qatnashti.

Murasim sherqiy türkistan istiqlal marshini oqush bilen bashlan'ghanda zal ichi birdinla hayajanliq keypiyatigha chömdi.

Uningdin kéyin, norwégiye Uyghur komitétining bashliqi perhat yaqup ependi teshkilat xizmetliridin doklat berdi.

Qizghin alqishlar ichide sözge teklip qilin'ghan rabiye qadir xanim Uyghur dewasi, sherqiy türkistanning bügünki weziyiti we weten ichi -sirtidiki Uyghurlarning weten üchün némilerni qilishi kérekliki heqqide tepsiliy toxtaldi.

D uq re'isi rabiye qadir xanim we mu'awin re'is séyit tümtürk ependi norwégiye Uyghur komitéti bilen xatire süretke chüshti. 2011-Yili 29-yanwar
D uq re'isi rabiye qadir xanim we mu'awin re'is séyit tümtürk ependi norwégiye Uyghur komitéti bilen xatire süretke chüshti. 2011-Yili 29-yanwar RFA/Aygul

Séyit tümtürk ependi norwégiyidiki Uyghur qérindashlar bilen uchrashqanliqidin tolimu xursen ikenlikini bildürdi.

Nutuq sözlesh pa'aliyiti jeryanida yene norwégiyidiki möminjan bashliqidiki sen'et guruppisi ezaliri naxsha, muzika we lerzan Uyghurche usul nomurlirini körsitip, barliq qérindashlarning teshekkürige érishti.

Norwégiyidiki yashlar wekilimu söz qilip, norwégiyidiki yashlarning dewa sepidiki janliq hayati küch ikenlikini we shundaqla özlirining arzu-ümidlirini ipade qilip ötti.

Pa'aliyet axirida kolléktip resimge chüshüsh bolup ötti we pa'aliyetke qatnashqan Uyghurlar bu qétimqi murasimni qizghin, hayajanliq keypiyat bilen tamamlap qaytishti.

Toluq bet