Rabiye qadir xanim teywen'ge bérish teklipige maqul boldi

Uyghur milliy herikiti rehbiri, Uyghurlarning meniwi anisi rabiye qadir xanim, charshenbe küni teywendiki insan heqliri we ammiwi teshkilatlargha wakaliten rabiye xanimni teywen'ge teklip qilip kelgen teywen yash naxsha cholpini Freddy bilen söhbet ötküzüp, teywen'ge bérish teklipige maqulluqini bildürdi.
Muxbirimiz gülchéhre
2009-09-23
Élxet
Pikir
Share
Print
Süret, rabiye xanim, 23 - séntebir, teywendiki insan heqliri we ammiwi teshkilatlargha wakaliten rabiye xanimni teywenge teklip qilip kelgen teywen yash naxsha cholpini Freddy bilen söhbet ötküzüp, teywenge bérish teklipige maqulluqini bildürgendin kéyin muxbirlarning soallirigha jawap bériwatqan körünüsh.
Süret, rabiye xanim, 23 - séntebir, teywendiki insan heqliri we ammiwi teshkilatlargha wakaliten rabiye xanimni teywenge teklip qilip kelgen teywen yash naxsha cholpini Freddy bilen söhbet ötküzüp, teywenge bérish teklipige maqulluqini bildürgendin kéyin muxbirlarning soallirigha jawap bériwatqan körünüsh.
RFA Photo / Gulchehre

Egerde rabiye xanimning wiza ishliri ongushluq bolghanda, u, 11 - aylarning axirlirida teywen'ge seper qilishi mumkin.

23 - Séntebir küni, dunya Uyghur qurultiyi rehbiri rabiye qadir xanim, amérika paytexti washin'gitondiki ishxanisida, teywendiki insan heqliri teshkilatliri hemde ammiwi teshkilatlirigha wekil bolup kelgen teywen yash naxsha cholpini fréddyni kütüwaldi hemde ularning uchuq söhbitige 10 gha yéqin axbarat orunliridin kelgen muxbirlar ishtirak qildi.

Teywendiki dangliq naxsha ansambilliridin shenling ansambili asasliq naxshichisi ning rabiye qadir xanim bilen uchriship, özining teywen xelqi hem teywendiki bir qanche insan heqliri hemde ammiwi teshkilatlar namidin rabiye qadir xanimni teywen'ge ziyaretke resmiy teklip qilghanda, rabiye qadir xanim uning tekliwidin intayin memnun bolghanliqini, teywen xelqi bilen uchrishish hemde ulargha Uyghurlarni tonushturushqa choqum muwapiq waqit orunlashturidighanliqini bildürdi.

Rabiye xanim Freddy bilen birlikte öz ishxanisida muxbirlarni kütüwaldi hemde egerde wiza ishliri oqushluq bolghanda teywen'ge choqum ziyaretke baridighanliqini jakarlidi.

Teywen axbarat wasitilirini asas qilghan xelq'araliq axbarat wasitiliri hetta rabiye qadir xanimning teywen'ge bérish üchün wizigha iltimas qilghan qilmighanliqi, qandaq pasport ishlitiwatqanliqidek intayin nazuk so'allirigha duch keldi.
Süret, rabiye xanim, 23 - séntebir, teywen yash naxsha cholpini Freddy bilen söhbet ötküzüp, teywenge bérish teklipige maqulluqini bildürgendin kéyin muxbirlarning soallirigha jawap bériwatqan körünüsh.
Süret, rabiye xanim, 23 - séntebir, teywen yash naxsha cholpini Freddy bilen söhbet ötküzüp, teywenge bérish teklipige maqulluqini bildürgendin kéyin muxbirlarning soallirigha jawap bériwatqan körünüsh. RFA Photo / Gulchehre

Rabiye qadir xanim muxbirlarning birining "siz özingizni men bir junggoluq, yaki junggo puqrasi dep qaramsiz?" dégendek so'allirighimu semimiy jawablarni berdi.

16 - Öktebirdin 29 - öktebirgiche teywenning gawshung shehiride ötküzülidighan filim féstiwalida qoyulidighan 77 filim ichige, awstiraliyelik rézhissor Jeff Daniels teripidin ishlen'gen rabiye qadir xanim tonushturulghan "muhebbetning 10 sherti" namliq höjjetlik filimmu tallan'ghan idi.

Xitay da'iriliri rabiye qadir xanim heqqidiki filimning teywende qoyulishigha intayin jiddiy mu'amile qilip türlük yollar bilen tosqunluq yaritishqa tirishmaqta. Halbuki muhebbetning 10 sherti gawshongda alahide filim qatarida, féstiwal bashlanmay turupla qoyulushqa bashlap, teywende zor ghulghula qozghidi.

Gerche gawshyung sheher bashliqi hökümet tereptin rabiye qadir xanimni teklip qilmiduq dep bildürgen bolsimu, buning aldida teywen yashlirining kompartiyige qarshi turup wetenni qutquzush birlikige wakaliten musteqil yazghuchi linbawxu'a ependi hemde uning ayali rabiye qadir xanimni öktebirde teywende ziyarette bolush hemde gawshyung filim féstiwaligha qatnishishqa teklip qilghan. Teywen naxsha cholpini Freddy rabiye qadir xanimning öktebirdiki pa'aliyetliri zich orunlashturulup bolghanliqi üchün, 11 - ayning axirliridin 12 ayghiche ariliqta rabiye xanimghni teywende ziyarette bolushqa teklip qiliwatqanliqini bildürdi.

Freddy Yene, özining ilgirila xelq'arada insan heqliri pa'aliyetliri bilen tonulghan rabiye qadir xanim bilen uchrishish arzusi barliqini, bu qétimqi uchrishishning özi hem teywen xelqi üchünmu ehmiyetlik ikenlikini bildürdi.

Shundaqla, Uyghur dawasi xelq'aralishiwatqan, xitay hökümiti bir tereptin Uyghurlarni teywen'ge shundaqla pütün dunyagha burmilap térorist dep körsitiwatqan mushundaq peytte rabiye qadir xanimning teywen'ge bérishning, teywen xelqining Uyghurlarni heqiqiy tonushi üchünmu chongqur ehmiyetke ige purset dep tonuydighanliqini bildürdi. Uning déyishiche, rabiye qadir xanimning teywen ziyariti jeryanidiki barliq chiqim hem pa'aliyetliri shundaqla uning bixeterlikige özi wekillik qiliwatqan teshkilatlarning mes'ul bolup orunlashturudighanliqini tekitlidi.

Muxbirlarni kütiwélish axirlashqandin kéyin biz rabiye qadir xanim we Freddy ni ayrim ziyaret qilish pursitige érishtuq.

Yuqiridiki awaz ulinishidin, bu heqtiki melumatimizning tepsilatini anglaysiler.

Toluq bet