Rabiye qadir xanim fransiye we italiyide muhim siyasiy pa'aliyetlerge qatnishidu

Uyghur milliy herikitining rehbiri rabiye qadir xanim italiye we fransiyide élip baridighan 5 künlük ziyaritide, Uyghurlarning nöwette duch kéliwatqan siyasiy ehwali, bolupmu yoq bolup kétish xewipi astidiki milliy medeniyiti toghrisida, mezkür döletlerdiki xelq'araliq kishilik hoquq teshkilatliri teripidin uyushturulghan yighin we pa'aliyetlerde mexsus doklat béridu.
Muxbirimiz eqide
2010-10-21
Élxet
Pikir
Share
Print
Süret, rabiye qadir xanim bashchiliqidiki heyet italiyining jenubi tirol aptonum rayunining parlamentida ziyarette.
Süret, rabiye qadir xanim bashchiliqidiki heyet italiyining jenubi tirol aptonum rayunining parlamentida ziyarette.
RFA Photo / Erkin Tarim

5 ‏- Iyul ürümchi weqesidin kéyin, xelq'ara metbu'atlarda Uyghurlar heqqide hemde Uyghur milliy herikitining rehbiri rabiye qadir xanimning pa'aliyetliri toghri'isida bérilgen melumatlar ilgirikige qarighanda pewqul'adde derijide köp élan qilinmaqta, shuning bilen teng, Uyghur milliy herikitining rehbiri rabiye qadir xanim yawrupa elliridiki, amérikidiki her qaysi shitat we sheherlerdiki, hökümet organliri, siyasiy partiyiler, xelq'ara teshkilatlar we ammiwi jem'iyetler teripidin uyushturulghan yighin we pa'aliyetlerge alahide méhman süpitide teklip qilinmaqta.

Buyil 10 ‏- ayghiche rabiye qadir xanim, italiye, fransiye, shiwitsiye, gollandiye, bélgiye, norwigiye, shiwitsariye, ispaniye qatarliq döletlerde jem'i 22 qétim, amérika ichide 6 qétim ötközölgen pa'aliyetlerge qatnashqan bolup, rabiye xanim bir qisim döletlerde Uyghurlar duch kelgen siyasiy zulum, bolupmu 5 ‏- iyul ürümchi weqeside gunahsiz öltürülgen we türmilerge tashlan'ghan Uyghurlar heqqide doklat anglatsa, yene bir qisim döletlerde, rabiye qadir xanimning hayati teswirlen'gen yeni pütün Uyghurlargha wekillik qilidighan höjjetlik siyasiy filim "muhebbetning 10 sherti" namliq filim körsitilgen filim féstiwallirigha ishtirak qilghan.

Italiye we fransiyide, rabiye qadir xanim ayrim ‏- ayrim 3 qétim ziyarette bolghan bolup, bu qétim uning bir yil ichide 4 ‏- qétim mezkür ikki dölette ziyarette bolushi hésablinidu.

Rabiye qadir xanimning yardemchisi we amérika Uyghur ayalliri komitétining re'isi zübeyre xanim, rabiye qadir xanimning fransiyining li'on shehiride élip bari'idighan pa'aliyetliri heqqide melumat berdi.

Zubeyre xanim yene, rabiye qadir xanimning fransiyidiki 2 künlük ziyaritini axirlashturup, 23 ‏- öktebir küni italiyining rim shehiride ötküzülidighan "erkinlik marshi" namliq pa'aliyetke muhim yétekchi süpitide ishtirak qilidighanliqini bildürdi.

Yuqiridiki awaz ulinishidin, bu heqtiki melumatimizning tepsilatini anglaysiler.

Toluq bet